今日心情麻麻地．．．好在上天對我不錯，工作上總算順利攪掂左樣超麻煩野，聽日仲要繼續加油呢！放工後又要拎返本結婚相簿去金都改，好在有Andy係度，希望相簿同DVD快ｄ改好兼唔好再錯！
攪掂後行去巴士站途中，麻麻地心情開始引發成購買慾＋食慾！其實一開始係經過一間叫『食神傳說』既零食鋪頭，好難得咁發現有細罐裝zero賣喎，知道Gigi好鐘意，又冇咩地方有，就即刻入去買啦．．．點知又睇到話買滿一百蚊可加錢做會員，見呢間野都有幾間分店，我就買下買下又買下，買左咁多野同做埋會員啦！買野冇問題，係ｄ汽水感覺細細罐，但好多個細細罐就變左好多罐同好重呀，拎死我～～
再經過一間化妝品出口店，見到有大支裝Bioderma卸妝，即買！加埋細妹今日幫我係屈臣氏買既野，今日真係買左好多野，算唔算係一種發洩呢？不過好在我對零食慾念只限於買而唔係食，唔係實肥死！我通常鐘意買黎試，有人一齊食先會開，因為每次見到ｄ零食咁colourful咁色彩繽紛就好想買，所以屋企又越來越零食了．．．
另外，呢兩天發現小蘭花開始凋落了，已有兩朵花跌左落黎，買時話可放一個月，雖則的確係，仲有賺添，已過左一個月有多；不過呢盤小蘭花係新居的第一盤花，加上仲係黃色，我好鐘意佢呀，所以唔係好捨得．．．花開、花落．．．好悲咁添～～
沒有留言:
張貼留言