今日放工約埋琪琪同Emily去探手術後的Monica，因為上次我要返PT，跟唔到佢地去醫院探Monica，今日佢地放工再去，我都要去以表支持及關心！
三位老死傾計傾得幾投入！
輪盡既細妹，竟然係去廁所時，不慎將攝係褲袋既三十蚊丟左入廁所！好在當時仲未去，唔係都唔知邊拎返三十蚊上黎．．．仲要勞煩Monica借風筒黎吹乾，十個爆笑！
探完Monica我地去左湘川滬食飯，因上次黎食時送左張$100 cash coupon今日到期，唔想晒左去！
叫既以小食同麵為主，因為細妹話一陣想去食Pokka Cafe既大雪糕，所以唔敢叫太多野食！
食完湘川滬再戰Pokka Cafe食甜品，媽咪係會員，今個月有免費的木糠麵包送！
呢款大雪糕真係好大．．．應該係好巨至岩，就係細妹想食喇！
隻匙羹咁細隻，KO晒成杯雪糕都需要唔少時間；不過我只係食左好少好少，我估十分一都冇．．．一來好飽，二來對八個唔同味既雪糕球唔係全部都有興趣，三來我唔食cream．．．咁大家明白，我同細妹點解係唔同size吧？
