今早要早ｄ起身，因為行程相當緊迫；首先我地唔想放棄酒店附設的免費早餐；第二係比得咁貴住呢度，想泡多次早上溫泉；之後又要趕住退房去淡水玩，好多野做呀！
去到餐廳，發覺沒放棄早餐絕對係明智，因為早餐非常豐富，食物亦唔似得一般酒店的早餐咁"雞"，真係好多野食！
由於怕太飽泡溫泉，我都係食左適量既早餐咋！
之後回房即刻換泳衣泡溫泉，因為一點就要退房啦！可能仍係朝早的關係，一ｄ都唔覺辛苦，微風間中吹來，好舒服；暖暖的泉水，加上陣陣涼風，好正！夜晚泡過，日頭又泡過，總算了左心願，講真，都唔知仲會唔會再來麻，咁貴！
泡溫泉真係幾舒服的事，只係唔鐘意唔著衫個種泡，我鐘意一齊泡，咁先可以男女一齊；而唔係分開各自各泡，我真係唔想，悶到爆，有野又冇得一齊玩，黎得旅行梗係想做咩都一齊啦，所以我覺得日本韓國個ｄ溫泉，下下要分開泡，我唔係咁鐘意呀！
臨走時我地著左日本衫留影，好唔捨得都要走．．．呢度比左我一個好難忘同開心的回憶，再見春天！
之後我地去左淡水〔每人NT$30〕，拖住行李喼真係好唔方便，好在我去左birkenstock買拖鞋，順道放低個行李喼！哈哈！買到一對香港冇的淺黃色拖鞋；加一對好舒服，更岩我腳影的粉紅色碎花拖鞋，不過係另一條birkenstock既line，好似冇係香港見過，咁仲似來路野啦〔兩對共NT$2760〕！yeah~~
今日仍然係台灣人的中秋假期，比起上次來，今次真係好好好好多人．．．又晒又熱，好快我地已經頂唔順，入左間cafe休息，叫左個下午茶餐〔NT$150〕；太陽哥哥係厠所仲有ｄ得意發現添！
之後買船飛過漁人碼頭，酒店司機話好多人都唔知，教我地去淡水玩，買飛要買：左岸、漁人碼頭、淡水，一個三角形喎；只係多少少錢，我地就照買〔每人NT$110〕；點知去到碼頭，發覺大鑊，好多人排隊搭船呀！仲要係唔同公司唔同隊的！最後我地怕排得到去左岸，到時過漁人碼頭時又要排，返淡水又要排，最終放棄去左岸，就咁過漁人碼頭就算啦！
去到漁人碼頭，最搶眼實係條白色大橋啦，好壯觀，襯上藍天白雲，真係好靚呀！
風好大，等極都有，攪到我吹到成個癲婆咁．．．坐上欄杆影，想雙手舉起，但好驚失重心挨後跌落海，最後出現左呢幾張攪笑相！
漁人碼頭其實好細，都係主要睇風景，我地又怕曬，所以只係影相，玩跳高影，影左好多呀！
跳到好攰呀！！都有ｄ正經相既．．．
之後食左碗魚丸〔NT$40〕，粒粒都好大呀！食完就返淡水行街，準備睇日落！
（續）
沒有留言:
張貼留言