今日我地要換酒店，會住新北投的春天溫泉酒店一晚；住唔住溫泉酒店好呢，我地係訂酒店時都諗左好耐，本身我係想試的，但實在好貴，可能係中秋節，要$14xx一晚，太陽哥哥又知我想試，又想同我住豪ｄ一晚，最終都訂左！
起身後拖住一個行李喼出發，竟然有ｄ唔捨得間酒店！哈哈！唔緊要，我地一日後會返黎架~~
先係西門町的鴨肉扁食野先，尋晚黎到收左舖，激死我地；太陽哥哥喜愛鴨，就當今日的午飯啦！〔NT$410〕
去到北投站〔每人NT$35〕，自拍留念，黎到第三日，先玩呢個相機function，可以set自拍連續幾多張，每張之間又可set幾多秒，幾好玩！係度要多謝細妹，佢部新相機黎架，都好願意借比我地帶去台灣用五日，攪到佢呢幾日冇新機用，要用我部舊機頂住，真係多謝您同唔該您啦！
藍天白雲下的北投站
捷運外的酒店小巴候車區
到達了，好grand的酒店outlook，好似山區中的一楝宏偉建築物咁！
check-in後上房，間房好靚呀，急不及待要影低房間的外貌
又係自拍合照時間
環繞酒店四周逛逛，溫泉範圍正在進行拍攝呢！
有一個鐘的免費上網，仲係係一個獨立私人、名為"商務中心"的房間，好大部plasma呀！
（續）
沒有留言:
張貼留言