今日去左捐血，第二十三次啦！今次遲左成兩個星期，有ｄ唔開心添，都係因為要就太陽哥哥，哼！好彩有咁多禮物氹返我開心！有tee，有血型鎖匙扣，我係A型，太陽哥哥係O型，呢兩樣都麻麻靚，哈哈！
最鐘意當然係每年我都期待，兼儲左幾年的定期捐血獎章啦，今年係綠色架，好有紀念價值的！
但今次個肥姑娘應該手勢好差，我捐過咁多次血，都未試過捐到有三個傷口兼瘀左．．．
之後太陽哥哥去左佢哥哥既髮型屋度剪頭髮，我都有幸免費修左少少前"陰"，其實後面髮尾都有好多開叉，但礙於免費，唔敢咁多要求，只係修修前面就算了！我就係呢個時候，幫兩兄弟影左幾張合照，哈哈！原來佢地有成四五年冇一齊影過相架啦！太陽哥哥既哥哥平時有ｄ惡同cool，即係串樣一個，但今日捕捉到男人最charm既一面，就係專注做野時，都ok型啦！嘻嘻~~ 諗下諗下，原來兩兄弟都從事藝術方面的行業喎，都要同設計有ｄ關係，又價咁橋．．．應該幾夾之係架！
夜晚係沙田新城市百瀧食飯，呢間好似同pokka cafe係同一個集團，ｄ食物都相似，價錢都一樣咁．．．貴！貴貴地啦~~不過真係好好味！意粉個賣相麻麻，但個汁好得；個扒超好味；三文治的芝士火腿好正，不過"漏"左少少啦！埋單原價211架，咁都中，勁！
沒有留言:
張貼留言