2007-09-15 (Sat) Wedding Banquet of Alex & Karen

今日係我碌齡朋友alex & karen擺酒既日子，佢地一年前已註冊成夫妻，今日先擺酒，真係戥佢地高興，而我同細妹都係姊妹團之一；今日真係陣容強大，除新人同伴娘伴郎外，仲有八個姊妹同十二個兄弟，好誇張呀！

一早起身到女家，等左頗耐，早知唔洗咁早起身啦．．．

最攪笑撞到之前去旅行識的團友，原來佢係新娘子的中學同學！佢上次開會有事所以冇黎，世界真係細！

兄弟團殺到前快ｄ埋位影張姊妹團照先啦！

接新娘時玩遊戲，ｄ遊戲真係太小兒科，玩唔到班餓狼兄弟！

唔係麻，比人民幣？係咪想比人炳鑊金先？

正式交收，開門利是共有$999.99，算您啦！

由於時間太緊迫，都係草草玩完就算了，接到新娘黎個情深一吻先~~

男家樓下

接受訪問

男家樓下姊妹團合照

男家樓下兄弟團合照

男家樓下大合照

我的全身造型

姊妹團跟新郎哥合照

姊妹團跟伴郎合照

係男家敬茶時候，大排人迫唔到入屋，就係門外影相同玩，我同BEN仲扮拉丁舞王舞后影相呢！

有個又要八怪，又要怕羞的小男孩

花車

大家有冇留意我已換上波鞋了啦！

球場留影，幾型的idea！其實今年係婚紗展都睇過一輯相，係新娘著住短裙婚妙加波鞋係籃球場影架，我睇完好鐘意，周麗淇做代言個間呢．．．

與新娘的拋胸照，哈哈！

與各兄弟合照，朵花好襯呢！

宴會設於青衣城聯邦皇宮

簽名冊

攝影時間

與新郎哥及各兄弟朋友合照

散席時，我地太高興，warm up左成日，終於有時間發癲啦！我地玩猜包剪揼，輸了要將兩個橙放入衫入面，好刺激呀！第一舖，十幾個人猜，竟然係．．．我，輸了！一向有體育精神的我，一於照做，最緊要大家開心，果然，個個high到暈，班咸濕佬就笑淫淫！呢part其實拍了短片的，內容非常好笑，但yahoo唔知做咩事，呢幾日都upload唔到，唯有留待下次同大家分享，但有興趣的朋友，可先問我拎黎看看架！

到第二舖，由佢地吼左成日的姊妹頂上，但只得休同佢猜，輸的機會大大提高到二分之一，非常奸！點知，如佢地所願，女仔輸左，但好玩得的姊妹，一於照做，仲似乎係將橙放埋入"罩"入面呢！勁！另一兄弟見我地咁開心，亦甘願係冇猜的情況下玩埋一份！哈哈！