2007-09-04 (Tue) Dinner @ Comopolitan Hotel

爸爸早前係公司的annual dinner抽獎，抽中Comopolitan Hotel $1000 dinner coupon，今日我地一行四人去食！

打開menu，唔係話超貴，幾廿蚊又有，百幾蚊又有，幾百蚊都有．．．但始終四個人，一千蚊都驚用唔晒，所以個侍應叫我地叫個湯，就揀左個$388既鮑翅湯喇！

個翅每人一碗後，再添到兩碗，共分到六碗，而爸爸係食最後，食到最尾時，有兩條好硬既野，我地就問個侍應咩黎，佢即刻話幫我地cancel，然後拎走左；我地就係度究緊咩叫cancel先？成個取消or除返做一碗價錢？但其餘五碗出自同一煲喎．．．冇幾耐經理親自過黎同我地解釋，一條係魚翅係煲邊乾左既野，一條係隔魚翅時個隔ｄ唔知咩，會同我地cancel成個翅個order；雖然我唔係好明究竟個兩條係咩，但淨係佢個句"cancel成個翅個order"，我都戥佢地好肉赤，哈哈！

我地再叫返ｄ食物，飯後又叫左飲品甜品，最終埋單$1009，真係有ｄ唔好意思，但實在食唔落呀．．．可能冇左個翅啦，其實ｄ蝦球呀、帶子呀都百幾蚊碟架；我地仲成個伊麵都無郁過咁滯，連甜品都打包了！

休息時間我地又玩啦，今次爸爸仲玩埋一份，無晒代溝！

最後係酒店正門拍照留念，多謝爸爸！比左咁開心同看笑的一晚我，同您食飯真係會笑聲不盡！