一年一度的中大開放日今日舉行，以前係我跟既project黎既，今年轉左．．．感覺一身輕！眼見做的同事都好辛苦，發覺原來以前自己都幾叻，哈哈！咁宜家呢？好似越來越懶了，有ｄ擔心！以前，最大壓力係九／十月的開放日，同三月的頒獎典禮，真係可以講一腳踢，無咩人幫到您，宜家兩個大function都唔洗做，是好定係是壞呢？令到我個人冇咩挑戰同好lazy咁！
講返今日，我好準時返到，點知早左成十五分鐘，第一個到，清爽的清晨，環顧四周，諗返好多野添！
跟住一齊去百萬大道探esther同phoebe，影相~~
太陽媽媽的海鮮晚餐！非常豐富，煲了飯都沒人吃，淨係吃呢ｄ已經夠飽，吃不下了飯了！
太陽爸爸越來越有趣了，開始會問我影唔影相？又會舖好ｄ餸靚靚咁比我影，make me feel so warm~~
之前alex & karen擺酒 (http://hk.myblog.yahoo.com/aquarius-givens/article?mid=2095&fid=-1)，同大家講過有幾段我地為內玩遊戲時的攪笑短片，終於upload到啦，同大家分享下先！！
Connie 攝橙
休攝橙
接新娘時的愛的宣言
姊妹團介紹
今日係旅程既最後一日，就咁就玩左五日，時間真係過得好快，好唔捨得；由尋日開始，我已經同太陽哥哥講：聽日就走喇．．．講左好多次，講到今日，真係要走了．．．
今日我地去左睇"色戒"早場，第一日黎到，已經想試下係外國睇戲係點，但一路都未有時間，最後決定臨走的今天去睇，加上早場平ｄ！〔每張NT$220〕
估唔到台灣指數都拍得住香港，冇諗過係呢個價錢，都算貴；連戲院入面既設施都好似香港的水準！入到去個院，嚇一嚇，因為．．．好大間！係超大間！！香港就冇咁大間喇，大間到好似去左演藝／poly睇話劇個種theatre！呢次印象都唔錯！
之後趕去食鼎泰豐，因為兩點會落場，好在趕得切！估唔到要最尾個日先岩時間試到〔NT$633〕！
廚房入面，好多廚師堆埋一齊．．．學緊整小籠包？
門口跟靚女姐姐拍照留念！
跟住去左porter internatinal，太陽哥哥話今次要買個銀包比我，咁我就可以同佢一齊用同款銀包！可惜佢上年個款已經冇左，今次ｄ款都麻麻，但由於價錢非常經濟，我最終都揀了一個〔NT$1050〕！雖然同太陽哥哥唔同款，但同一個brand，都開心啦！ 返西門町買埋其他手信，食多一次阿宗麵線，我地就起程去機場啦！ 係機場有件非常不愉快事件，就係我地買左十六盒木瓜牛乳，原來係唔可以hand carry！詳情唔盡錄啦，總之好唔開心，由check-in誤會左，過移民局，過海關，唔比，爭拗左，佢地比(只要航空公司比)，航空公司職員出黎，我地解釋，佢又接受喎，仲幫我地用國泰紙箱pack好晒，帶埋我地去登機閘，點知輪到閘口職員唔比，個職員又帶返我地穿過海關，諗住出返移民局寄過倉，點知移民局唔比我地用呢個原因出去．．．攪到過埋關閘時間，作最後堅持，趕返上機閘口，原來我地係最尾未登機三個乘客之二，閘口職員話我地要決定，一係放棄牛乳上機，一係拉返我地行李落黎，因為飛機要起飛喇．．．情急之下，我地發晒脾氣放棄囉，唔係可以點？望住ｄ牛乳係垃圾筒度，真係十萬個唔捨得！ 上機後先後悔，我醒起一個鐘後其實仲有一班機！頂！應該唔好比佢地大到，由佢拉返行李落黎，咁咪可再寄倉囉！！唉．．．諗咩都冇用，飛機都準備起飛．．．只係好唔開心同勁無奈，覺得可以再冷靜ｄ就應該救得返ｄ牛乳！ 有冇人知道香港有冇得買？係統一牌既木瓜牛乳．．．知道記得話我知，唔該唔該！！又或者自己or身邊朋友會去台灣可幫我買ｄ？係就萬分感激！ 值得一提係坐到國泰新飛機，真係好新，個電視又正！飛機餐個晚餐亦好好味！ 回家後，拎晒所有戰利品出黎影張大合照先！我地既旅程就此劃上完滿的句號，好唔捨得．．．我係唔捨得個旅行？定係其他野呢？係人？還是事？
