2012-01-24 (Tue) 尖沙咀行街．3D地心探險記II．Dinner with 休&程泳

年初二早餐繼續係"糕"，食埋今日就收爐唔洗再食啦，哈哈！

 

今日的媽咪年糕有薑汁味的！

 

一早買左飛睇IMax 地心II，咁就去海港城行下，順道搵下呢度間 Kate Spade有冇我想要的袋，雖然都係得display，不過今次我醒呀，叫佢check倉有冇全新，點知有喎！Yeah！！不過要下星期先運到黎，冇相干，有就得喇！海港城地下好多呢ｄ超巨甜品裝飾，我都趁熱鬧影左少少！

又買定乳酪睇戲食，今日試藍苺味，一樣咁正！死啦，愛上左呢款乳酪，再咁買落去咪好快破產．．．

係LOGON覺得呢款袋都OK喎，又想要．．．諗諗先～～

入場前又買starbucks，新味好好味，飲過返尋味！第一次入入面買，原來入面係咁大塊落地玻璃架，好靚！

地心I 同 II 我都覺得好靚呀！有刺激位，又有感動位，我都睇到喊呢！雖然我鍾意上集個爸爸多好多，但今集位爸爸的震波同改編what a wonderful world，真係令我刮目相看，好深刻！

iMax 睇 3D 真係好正！我地仲買埋明日逆戰，聽日又要黎過，哈哈！

散場後約左休+程泳晚飯兼派利是，好充實年！