一心黎銅鑼灣食飯，諗住行花市，點知多人到呢．．．皇室堡出面條街爆到好得人驚，我嚇到調頭走，去瘋狂購物好過，嘻嘻！因為多得細妹人際網絡強勁，佢搵到朋友可平買我睇中的Salad 皮褸呀；憑前消費二千以上的單據，買任何三千八以上的皮褸，可減一千；本身就咁買會有九折，咁$4450的皮褸，宜家$3450就買到啦，細妹買太陽哥哥慳左幾百蚊！因為件皮褸係太陽哥哥買比我既，佢話係提早送比我的生日禮物！
今次仲做埋會員，之後唔洗再麻煩人啦！Yeah！
呢份禮物我超鍾意呀，因為我咁大個女都未擁有過真皮皮褸，加上已經想買兩年，終於買到心頭好了！興奮～～
今日太陽哥哥仲請我食朱古力添，呢隻好好味架！
另外，係Kate Spade 睇中左個手袋呀！好鍾意，但始終係膠質，其實似足一個環保"膠"手袋，但就要千幾蚊，要諗清楚先得！太陽哥哥又話送比我，當係情人節禮物喎．．．唔．．如果我睇唔中更想要既野，呢個的確係一份好禮物！嘻嘻！
沒有留言:
張貼留言