2012-01-14 (Sat) 清晨返工．大魔術師

今個星期六繼續清晨返工, 今個月最後一次了!

今日去新世紀帝京酒店, 大清早非常寧靜的花園街, 同平時迫到爆好大對比!

雖然只係工作第二次, 但已開始愛上這份工!

放工後返買個麵包係巴士上食, 跟住返屋企大覺訓, 仲訓到唔知醒, 約左太陽哥哥五點三係香港站等, 但五點先醒, 哈哈!
趕過銅鑼灣會合太陽哥哥同媽媽, 係澳門茶餐廳食了個light dinner, 送了太陽媽媽去利舞臺參加飲宴, 我同太陽哥哥就去太古城睇大魔術師!

好耐冇見過梁朝偉拍d咁幽默的片種, 尤其是扮阿拉丁時, 有d點唔慣, 好似睇緊九十年代d笑片咁, 攪笑!  套戲都幾好睇, 我本身鍾意睇魔術, 入面好多, 亦唔小兒科架, 好似玩冷火, 變好多好多珠寶出黎, 同埋好多幅畫整左個故事咁, 我都好深刻!