2012-01-19 (Thu) 太陽家團年飯．心頭好皮褸．行年宵

 太陽爸媽聽日去柬埔寨旅行十一天，所以今晚食定團年飯，冇出街食，因為佢地仲要執行李，麻煩晒太陽媽媽下廚喇！

好多行李未執～～

提早收太陽媽媽利是，年年都係喻意生生氣氣；返到去我又手快快拆開左，提早拆利是添！嘻嘻～～


飯後去左新都會shopping，係salad 睇中左件皮褸；我咁大個女都未買過真皮皮褸架，兩年前同太陽哥哥一齊想添件，最後佢買到，我揀左兩年都未揀到，唔中意有帽、唔中意太短身、唔中意太皺、唔中意太型、唔中意太女騎士款．．．想要件斯文又得，襯牛記笠記又得既百搭款！今日終於睇中，但要$4450，雖然做緊九折，但都超貴(對我黎講)！！雖然太陽哥哥話佢買比我做生日禮物，但都要諗諗，或者問下朋友有冇VIP先！

跟住會合媽咪琪琪威哥行年宵，但點知個場．．．好流．．．０收獲！