今日係特別的日子，2011年1月11日，五條 1，亦係我係UGO最後的工作天！係呢個office做左超過十年啦，心情萬般感慨，百感交集．．．一言難盡！
特別珍惜今日呢個日子，沒有拎 time off，好準時咁返工，攪到任美諗住比個 surprise我，放份禮物係我檯面都進行唔到，哈哈！不過，見佢咁早走入黎我 office，呢個都係 surprise 呀！
一份親手製的禮物，自問沒有手作天份的我，好欣賞呢ｄ用心用手用心思整的東西，真係要比十個叻！任美係繼好友 tracy 後，第二位朋友送了我一本手作相簿，
頁頁對我來說，都充滿了無限的回憶與心意；睇到出細心到用了我喜愛的黃色做主色，花盡心思．．．任美，真的好多謝妳！
臨 lunch 前收到 Michele & Sherry 送的咭同禮物，又係估唔到的驚喜，多謝妳地呀！
最後一個 farewell lunch，跟自己 office 的同事一齊，ex老闆都有掌面黎到；仲記得十幾年的入黎中大的第一天，第一個 lunch 就係同佢食，當時係我的 welcome lunch，感覺又得意又特別！
同ex老闆影相，仲可以橋住佢呢！哈哈！
好錫我的Glos，上次farewell party漏了同佢影相，今日補返先，不過就晒唔切相比佢．．．仲好記得佢親手整黎送比我的輕黏土結婚禮物，同埋日本的 chip n dale 圍裙手信！
呢兩張相都影到窗外的樹，佢地話有點日本 feel 呢！
因為太唔捨得呢個 office 同埋同事，最後呢日我繼續請大家食野，尋日食完 mochi 糯米滋，今日仲有野食，佢地問我仲要食到幾時架？我話因為我想大家諗多我幾日囉！嘻嘻！
原來謝寧曲奇開左係咁靚架！
已經係放工時間，盡最後時間影相影相影相！
好鍾意呢張相！
太陽哥哥黎接我放工，幫手拎野．．．好在有佢係度，雖然臨走時我眼濕濕好想喊，真係好唔捨得好唔捨得，不過有佢陪住就無事啦！
臨走時跟我的工作檯道別！
執到好乾淨．．．
太陽哥哥同事送了兩張今晚的非誠勿擾2優先場比佢，我地就去睇！
呢套戲都幾長，足兩個鍾，我的感覺係：開頭好好笑，先係攪到結婚咁隆重的離婚儀式啦，仲有男女主角鬥令對方討厭自己啦，扮殘廢真係超爆笑；中間好悶，好多對白，北京語好難聽得明，講得亦好快，又有ｄ語句好難明，連追字幕都有點吃力；尾部超級感動，男女主角的朋友叮囑佢地的一番話，超級感動呀，我留了好多好多眼淚！
今日戰利品：
沒有留言:
張貼留言