2011第一日，梗係訓到飽先起身啦，跟住去同太陽哥哥睇返套愛情劇『愛情戀上癮』；我地一向都幾鍾意女主角，我仲覺得佢有點Julia Roberts的影子，可能一個大咀巴同ｄ大笑聲吧！不過估唔到佢係戲入面要露點，仲唔止一次，仲有好幾個位都露好多肉，一見到我都呆左．．．佢都幾紅丫，要咁咩？不過佢演柏甘遜又真係做得幾好；講返套戲，有攪笑有感動，都值得睇架！
睇完戲占美剛黎到接我地，因為我都唔肚餓，去左大家樂食飯咋，我只係痴太陽哥哥少少野食！
跟住出荃灣，約左班朋友仔碌齡；未夠鐘就行下街，睇中左OTO胡定欣賣廣告個部機，我地三個都有試呀，我仲偷影左占美，哈哈！我玩左幾下就覺得攰啦，有點難度，但亦係因為好快feel到攰，咁先至work吧？！最重要兩位男士都覺得的確work，絕對值得考慮，諗諗先～～
第一次帶占美同我地班朋友一齊碌齡，原來佢都碌得幾勁喎，仲碌得好開心添，我都好開心係2011帶到佢join埋我地的歡樂！
因為咁開心，休提議去松記食糖水，太陽哥哥聽朝要開工都奉陪！1st day of 2011，過得好開心，希望全年都開開心心，我自己工作上都有個好大的轉變，希望頂得住，事事順利＋如意，各方面都有個真正的新開始！
沒有留言:
張貼留言