今日係自己office的farewell appointment，負責同事一路好神秘，我開頭仲以為係大老闆攪，因為麥生都下星期榮休，我估老闆想比個驚喜佢，其實我都係叨下光；點知接近 lunch 時，見到同事開始 set up，仲清左好大地方，連對面meeting room個房都開埋黎用，咩事會用咁多位呀？仲開始放左好多好多野食．．．
跟住驚喜黎啦，好多其他office的同事慢慢出現，連走左既同事都有呀！嘩～～真係好驚喜！大家一齊開餐先～～
美食巡禮～～真的非常豐富兼好味！
唔少得梗係勁影相留念啦，我好努力咁想同每一位同事都影到相，可惜都係有兩三個影唔晒，因為成個 lunch 攪呢攪路，佢地又要預時間來回我地office，真係得半個鐘至大半個鐘 lunch 時間！
先show下其他office的同事先：
跟住我地想影大合照，難得酒店管理系同事開左剛完成的 "Hyatt Training Center"比我地入去，有足夠空間影全體照！呢張相真係好難得，濟濟一堂，我自己都好感動呀！
我地自己office(但唔齊人)：
豪哥同Betty帶埋禮物黎比我，超開心！
我本身鍾意砌砌圖，所以好鍾意呢類型的禮物！
同事們開始夠鍾走啦，我地爭取最後一秒，影到幾多得幾多！
同 Jimmy-san 扮影婚妙相，但我係男的新郎，型嗎？
同任美係被喻為"catwalk橋"上合照，我每朝就係經過呢條六層高的架空天橋，行去另一端，個邊就係我office所有地喇！
其他office的同事走晒，我再同自己office的同事慢慢影，每人都要影呀！
最大的男老闆，我開頭就係以為佢係攪手，點知誤會左．．．
攪手原來係第二大的女老闆，真係估唔到，好意外，有點感觸．．．
劉德華呢期有個Unforgettable Concert 2010，我今日有個Unforgettable Farewell Party，真的係非墨筆能形容的開心！
沒有留言:
張貼留言