細妹又想買保暖衫，一於今日放工後再去搵 Matthew買；買完剛巧 Matthew夠鐘放工，就一齊返青衣，join埋媽咪，然後一齊去食元氣壽司，我地食左好多呀！
2011年1月31日 星期一
2011年1月30日 星期日
2011-01-30 (Sun) Snowboard Socks & Pad．Gmarket 淘寶壞消息
開始搜購snowboarding底層裝備啦，買左好厚又sharp又係for snowboarding 既厚襪；其實著係入面都冇人睇到，但因為我地連埋護臀pad一齊買，鋪頭比八折我地，只係一百蚊有找一對，同出面冇pattern個ｄ差唔多價，咁就要兩對靚架啦！
我同太陽哥哥的護臀pad，上次係淘寶買的pad好硬，ｄ膠應該係"留"野；朋友們教路，話snowboarding安全好重要，冇錢裝出面身，入面一定要花錢買足保護！
前：
後：
認真地買返件透汗＋保暖的運動打底衫，我個件仲係 Elsa+Yammy 送的生日禮物，好有用，多謝晒，係第一份收到的生日禮物呢！之前諗住買 columbia 架，但成 $359 一件，加左會呀，好唔抵！後尾去左細妹中學同學 Matthew 做的運動樓上鋪買，Matthew 做呢行六年，佢話 columbia 其實麻麻，又唔值，暖唔暖最出面個件褸都好重要！唔怪之我試極 superwarm 呀絲襪衫底衫呀，都好似唔覺好保暖咁啦！Matthew 介紹我地買呢款，仲有七折，抵呀！
另外，今日都好upset，Gmarket有件衫冇貨啦，其次係我同細妹買的雪褲幾日都 on request冇反應，唔知想點，其實貨已去到Gmarket warehouse等pack，因為咁 hold 住晒！
冇貨：
冇反應：
之前為左條靚雪褲，一心要買，咁買完要揀埋雪褸襯，但唔係幾揀到，鍾意ｄ款又冇貨，呢件係算襯到雪褲的最好個件，亦貪佢隻袖仲可以除出黎當背心；時間緊迫，是但啦．．．
宜家條靚雪褲冇反應，唯有焗住取消 order，但件雪褸又買左，仲已經去左 Gmarket warehouse，宜家要為件唔係好鍾意的雪褸，去買過條雪褲，但又唔知要花多幾多時間？為免延期，我細妹亦比左個建議我，最後我作了一個悲痛決定．．．
取消埋呢件雪褸 order，因為已運左去warehouse，要 bear 返 domestic delivery fees，但好過晒千幾蚊要件 non-dream jacket！
最壞的打算係，著返件舊 jacket，但如果連褲都係著舊的黑色，真係好唔靚，所以我拿拿林同細妹揀過條雪褲，但真係又唔係 dream pant 囉，想要的款一係好貴，一係冇貨；最後揀左ｄ次次選擇．．．
我：
妹：
希望趕得切連埋 1st order一齊運黎啦！
2011年1月29日 星期六
2011-01-29 (Sat) (下) 占美家做節@長洲金冠大酒樓
目標搭五點四開去長洲的船，四點十離開銅鑼灣宜家，點知條街勁多人，delay晒，超焦急．．．去到中環站同太陽哥哥開始喪奔，中環站跑到香港站，IFC過天橋，朝碼頭方向跑下休息下又繼續跑！中途太陽哥哥曾話：算啦，搭下一班啦；我話：唔試實要搭下一班，冇信心一定輸！跟住又繼續跑．．．哈哈！
最後真係趕到，但上到船要即入廁所除左件保暖底衫，超熱呀！坐低後仲好頭痛，即刻訓覺，全程一個鍾訓到不知幾冧！
到達長洲，占美已係碼頭門口大駕歡迎我地，跟住去酒樓，第一次試地道的長洲金冠大酒樓！
占美爸鍾意飲紅酒，我地就帶左支紅酒黎！
飲杯～～祝大家身體健康，事事如意，搵多Ｄ！席上仲有占美媽自己預備的雞。
咁多靚餸，我幫佢地影左張開心相！
後上有四斤重的魚，好好好大條呀！我影相時闖口而出同占美講：嘩，仲大過我個胸呀！太陽哥哥用手踭撞我都撞唔切，占美媽反而笑笑口，太陽哥哥講笑話：話唔好意思，佢教而不善！占美媽話：咁先好，唔洗咁拘謹丫麻！占美跟住話：其實我想答佢，冇咩野會細過佢個胸囉！哈哈哈哈～～～～
占美話呢度ｄ點心好正架，又叫左幾個招牌點心比我地試，真係好正呀，拍得出面的美心稻香呢！
飯後慢行去占美家，參觀兼休息；呢度兩年前曾跟太陽哥哥黎拎月餅比占美爸，不過當時只係怱怱來怱怱去，未有機會慢慢坐！占美爸做剪髮既，所以屋企大廳有晒剪髮"架餐"，我叫太陽哥哥同占美影設計圖片！
過年靚花：
跟住我幫占美影左張超靚全家幅，ＢＢ都對住鏡頭笑，好溫馨，影得好好呀！
影我地同ＢＢ，但影埋鏡內的人，張相一共六個人，哈哈！
ＢＢ＋伯伯，占美仲叫自己做哥哥，哈哈！
跟住我地一齊坐船走，太陽哥哥又同ＢＢ玩！
訂閱：
文章 (Atom)