今朝去左健康院做6個月檢查, 除晒衫磅重小丁丁都好興奮, 係磅上young來young去; 不過著返衫時, 見隔離d BB係度喊, 可能連鎖反應, 佢又想喊, 哈哈! 小丁丁宜家6.85kg, 過左15磅啦, 仍然keep到25生長線, 媽媽又有交待喇! 真係唔明, 佢唔食多唔飲多, 攪到我成日都好擔心佢既生長, 但次次都係條線上keep住, 吹佢唔漲! 攪到姑娘既common answer我都識答, 每個BB吸收唔同, 食少食多都冇關係, 最緊要跟到條線, 人地出世係25, 您點解要泵佢上50 100 呢? 其實我都唔係想刻意泵漲丁丁, 只係佢由出世到宜家, 從來只係飲三四安奶, 真係好少麻!
今日好在丁呀姨陪我地一齊去, 偷影左好多相, 嘻嘻! 小丁丁手部發展姑娘超滿意, 一拎起玩具已經想搶, pass! 坐都ok, 不過成日傾前想拎野, 唔係幾試到; 企就差d, 成日曲腳, 唔夠5秒, 所以要9個月返黎再試!
最後打針, 小丁丁已捱唔住訓著左, 除褲時醒醒地, 一打落去大叫大喊, 廿秒度停左, 一分鐘內訓著返, 媽媽個棉花都未按完呢!
沒有留言:
張貼留言