2013-04-01 (Mon) 菠菜蓉

自星期五六各食左薯仔蓉後一直未有poo poo, 尋日下午想痾但出唔到, 見到poo poo 出左少少又縮返入去; 到夜晚再試, 一樣咁又出又縮左2次後, 忍唔住叫丁爸爸用棉花棒幫一幫, 只係撩斷左, 跟住丁丁太辛苦唔再痾; 我就又心痛又擔心左成晚, 打比丁婆婆, 佢話今日過黎, 整菠菜蓉試下好唔好d, 我就祈禱左成晚..............今朝婆婆一黎到, 姐姐又係度, 丁丁咁岩又起埋身, 一起身就有便意, 三個合力陪/氹/幫, 終於將d 硬poo poo屙晒出黎! 可憐丁丁成個過程係咁叫同想縮, 好陰功呀, 我同姐姐見佢咁辛苦都眼濕濕, 最後係我忍唔住兼情急之下, 徒手幫佢拉/按d poo poo出黎, 分開左幾次, 痾d我就拉, 幾次後就一氣呵成, 痾晒出黎!  婆婆話媽媽真偉大, 但我自己又覺得冇咩野, 因為見個囡咁辛苦, 您就唔理得咁多!

咁開心, 大伙兒落街食早餐, 返上黎食菠菜蓉, 不過丁丁麻麻地, 唔太肯食, 唔知係溝水而唔係溝奶問題, 還是菠菜陣味.....要再試下先知!