2013-04-01 (Mon) 山頂遊．阿甘蝦餐廳．契媽新鋪開張

復活節最後一天假期, 亦係我最開心的一天, 因為冇落雨啦, 亦有我最喜歡的環節....郊遊!! 

尋日問開休&CW, 佢地都有興趣, 所以今日有人同我地一齊山頂遊, 又熱鬧又開心! 試左想試幾年的阿甘蝦餐廳, 難得唔like ruby tuesday style 的丁爸爸都鍾意, 仲話想再黎添!  最差係冇free parking, 餐廳係凌宵閣, 不屬於山頂廣場消費, 要$36/hour! 原本想一家三口整返隻一齊拖住手的蠟擺設, 不過丁丁太細整唔到喎, 失望~~

食完野行完街, 上左山頂公園同山頂亭欣賞風景!  跟住落灣仔探小丁丁契媽Hazel, 佢新鋪開張呀, 開張日其實係29/3, 但太多人同天氣唔好我地冇去, 留返今日啦, 可以傾耐d計, 又可同小丁丁玩多d 麻!  Hazel 真好人, 已經揀定件靚衫送比我, 係一件好靚既針織外套; 當然我都再幫襯一下啦, 係度祝Hazel 生意蒸蒸日上, 客似雲來!