2012-10-08 (Mon) 健康院／醫院．．．頻撲＆擔心的一天！

今朝丁爸爸打去健康院約check黃疸，打極都打唔到，親身行落去book；book到下午，攪左兩三個鐘；其一係姑娘教我解決左胸餵奶問題，加埋漲奶及乳頭痛，我講講下無奈到喊，個姑娘由原本串串貢即刻變到溫柔晒；其二等到最尾見醫生，皮下check到丁丁黃疸250，要即刻去瑪加烈醫院抽血檢清楚喎，吓，當堂驚到唔知講咩．．．原來唔係丁丁懶訓，而係黃疸令佢好攰，所以成日訓，等我地仲以為佢訓就由佢訓，唔飲奶就算，好歉疚，係咁埋怨自己．．．

即刻返屋企執野去瑪加烈醫院，一路祈求唔好留院唔好留院．．．係醫院攪左兩三個鐘，中間用左胸餵丁丁竟然唔痛啦，等到檢血結果190，唔洗留院，好在咋，好感恩好感恩！

返到屋企，媽咪細妹都係度等緊我地返黎，大家都好開心！

呀姨影的相, 肥嘟嘟的小丁丁，見到佢咁，心都軟晒；不過呢幾日要努力補奶，過兩日要返健康院check過！