2012-10-05 (Fri) 小丁丁出世了 - 醫院第二天

今日係醫院第二天, 尋晚餵左成晚奶, 我好比心機呀, 有心機度姑娘都嫌我辛苦, 叫我快d訓, 餵埋呢轉禁鐘叫佢地拎走小丁丁比佢地湊然後叫我訓覺, 佢話唔夠訓會影響奶量架; 但轉頭入黎時, 我仲餵緊, 哈哈, 最後5am 拎走小丁丁, 原來d BB 要排隊沖涼架, 沖完大約七點度就比返我, 咁我休息足兩個鐘; 不過小丁丁返黎時, 右面表抓到損晒呀, 梗係排隊沖涼時冇人理佢啦.......好心痛好心痛呀!

今日有Trista代教會黎探我, 晚上誇囉, Kim一家四口, 美極, 休, cw, ben, 呀仔hazel (契爺契媽), 邵氏三人, 同一時間十幾人係病房! 其實都好嘈, 八點就比姑娘發現被趕, 奈何剛餵緊小丁丁飲奶, 有d人都未見過小丁丁, 最後好趕咁見左五分鐘, 影張相留念就走了, 真係好唔好意思呀, 咁遠黎到只係見得幾分鐘! 不過唔知係咪今晚多人, 嘈得滯同嚇親, 小丁丁比尋晚難湊好多, 尋日係全日不停食同訓only, 今晚就成日喊, 一放落床就喊, 抱住都喊....最後要我訓係度, 放佢係我身上面訓先訓長d咋; 照舊, 姑娘到5am帶走小丁丁去沖涼, 今次我強烈要求請佢地幫手一係包住小丁丁對手, 一係記得同佢戴手套, 我唔想佢返黎又抓損塊面呀!

我好鍾意呢個小天使look:

抓到損晒, 超心痛!!!

敏昊好鍾意好鍾意小丁丁呀!