凌晨時分, 當時仲同太陽哥哥睇緊絕代商嬌大結局, 開始覺得個肚有d 感覺, 同平時的晚上不同.......
約1am, call醫生, 因為大約十幾分鐘有d 微微m 痛; 醫生建議, 到5min 痛一次就call taxi 入院; 捱得過就聽日9am 到QM睇佢....
約2am, 試過訓都訓唔到, 開始痛密左, 但都係微痛, 淆底, 因為我要開刀, 但血又未驗, 麻醉師又未見, 驚太遲入院趕唔切開刀, 到時迫住要自然生.....決定入院先....
約3am, 已入院, 但去唔到private ward, 要係govt ward 度訓住先, 老公仲唔比係床邊, 得自己一個, 想搵人十卜都冇.......周圍d 媽媽都待生ing, 痛苦樣, 仲有d 痛的呻吟叫聲....另外遇到個衝閘case, 仲要係孖胎, d 姑娘對呢個媽媽態度明顯差d, 見到個姑娘度完d唔知咩出黎成手血, 好恐怖......
約3:30am, 醫生黎到見我, 宮縮去到average 7 min 一次, 佢話宮頸開左2 度啫, 第一胎應該有排, 分分鐘聽日下午, 又問我試唔試自己生, 生唔到下午/晚上先開刀...我心諗, 咁咪要痛多十幾個鐘? 我話唔好, 想盡快早上開刀, 驚趕唔切; 佢話抽血先, 要過幾個鐘先配到血; 亦要見麻醉醫生, 最快早上七八點, 咁約定我8am 入手術室.....
約5:xx am, 痛到頂唔順了, 之前打電話又比姑娘鬧, 唔理了, apps 太陽哥哥叫佢call 醫生, 我想快d早d 開刀, 想叫醫生快d叫麻醉科黎.......攪左大半個鐘, 終於同醫生聯絡上, 但佢話手術要早上先做得, 我又未見麻醉師, 叫我忍多陣; 我已經痛到宮縮時講唔野, 仲喊住同醫生講好想快d, 叫佢快d黎, 我頂唔到啦......醫生只係明白明白, 我會盡快黎咁.......慘~~~
約7am, 麻醉醫生到, 講好多廢話, 我都盡快答, 跟住問佢幾時打得麻醉針, 幾時做得手術......佢話有個急症用緊手術室, 我要等做下一個....吓, 唔係麻, 我頂唔到啦, 再係咁我驚開唔切刀.......轉頭醫生都到, 佢都係話盡快盡快.....我痛到已經面容扭曲, 我叫醫生一定要比太陽哥哥係我身邊, 醫生幫左我, 所以d姑娘都唔敢出聲, 只係叫太陽哥哥唔好行出黎, 因為有其他孕婦唔方便........中間一路痛, 痛到急大便, 真係生得了......我仲feel到下面有野漏出, 太陽哥哥話係血水, 我諗到都覺得核突......心諗, 點解比左錢睇私家, 都要承受呢種痛?? 期間, 一痛太陽哥哥就陪我呼吸, 有個護士長超好人(著白色衫係咪護士長?), 佢見我有個痾樣, 過黎捉住我手, 叫我唔好痾, 要忍, 又教我吹蠟燭咁呼吸, 我一心諗住開刀, 從來都冇上過d 呼吸堂...........當時, 我忍到會忍, 但一忍唔到, 真係變左急大便, 身體會自然好痛好痛咁大力痾, 仲係一黎就幾次架, 我控制唔到, 痛到叫出黎.........
約8:30am, 到我了, 但由過床, 到係手術室門口等->被護士問呢樣個樣->推入手術室->過床->又問話->打點滴等等, 我又捱左好多次痛, 最後仲要好曲好曲就曲埋身打針! 一打完, 爽, 冇晒痛感覺, 舒服晒! 跟住醫生護士係下面攪呢攪路, 醫生同我度多次宮頸, 然後企係身同我講, 話我其實都開晒喎, 不如試下自己生, 我話問下先生先, 太陽哥哥亦換好衫入埋黎, 坐係我頭頂後面陪我......最後我地決定自然生, 因為反正已經唔痛好舒服, 無謂捱多刀咁傷身! 我下身已冇晒感覺, 醫生見到儀器見我宮縮就會叫我用力痾....我印象三次宮縮度, 我就痾左小丁丁出黎, 過程好快, 不過因為我唔夠力, 醫生要用鉗幫手, 所以小丁丁出黎時, 左邊臉有道鉗痕....開頭以為落了半身麻醉的麻醉藥, 比人地普通無痛分娩多, 小丁丁出世時會呆呆滯滯未必喊; 點知我地聽到好強烈的喊聲, 好感動好感動, 懷胎十月的小丁丁終於黎到呢個世界啦, 我同太陽哥哥都互望住眼濕濕.....好開心!
姑娘抹乾淨小丁丁後, 抱過黎比我地睇, 話比我地知出生時間, 重量, 問我仔定女, 老實講, 佢下體都有舊野, 我真係覺得好似男仔, 哈哈~~
跟住太陽哥哥離開手術室, 我就去左休息室度被觀察, 醫生係我身後打報告, 仲同我講恭喜晒; 姑娘轉頭就問我抱唔抱BB, 梗係抱啦, 佢就將赤裸裸既小丁丁放係我赤裸裸既身上! 姑娘仲擠我乳頭, 我竟然有奶呀, 快到我都估唔到, 佢話可試下餵BB喇, 就係咁, 小丁丁出世半個鐘度, 我已經開始餵奶比佢, 仲係最珍貴的初乳, 我都好開心!
上病房時已經見到媽咪威哥黎左, 間房好靚丫, 最正係得我一人, 仲係窗口位, 一個人住間雙人房, 咁屋企人黎探我就少d限制啦, yeah! QM private ward 同PW private ward 一樣, 每日可點餐食; 六年前係PW 做手術, 感覺PW無論房間大細設備同埋食野, 都比 QM 更好!
晚上, 細妹表姐諾諾Jayden太陽爸媽都急不及待黎探我地, 仲有Fanny & Arwick 都黎左, 最驚喜係佢兩夫婦下午已送左花籃黎, 我都係第一次係醫院收花咋!
沒有留言:
張貼留言