2012-05-26 (Sat) 首嚐蘭芳園．揀工人．Dinner@MOS burger

今日有個重要任務，就係為小丁丁揀照顧佢的工人姐姐！地點係中環，上去僱傭中心前，太陽哥哥先帶我去蘭芳園食野；我地都係第一次黎，個炒公仔麵真係幾好食，蕃茄湯底的通粉我覺得普通，覺得同媽媽煮的也差不多；咖央多士同鹹檸七好正！

揀呢間僱傭中心係因為表姐的工人都係呢度請既，覺得好好，又係基督徒老闆；我一心都想請有宗教信仰的工人姐姐，一來心靈健康ｄ，二來我情願佢放假係去church，都好過we we wet wet 識男仔呀，係皇后像聚集跳舞咁！

呢度好似海洋世間咁，一入黎就有個大魚缸，每間見客房又係大魚缸！

揀既過程都好順利，我同太陽哥哥選擇完全一致！呢位就係我地初步的首選，希望黎緊既手續無問題啦！^^

跟住返青衣城買明晚戲飛，我突然好想食熱狗，所以晚飯係MOS burger 攪掂！