2011-10-23 (Sun) 好開心的肥皂班!!

多得細妹介紹，今日上左個好開心的團購肥皂班！
之前的團購$87陶瓷彩繪班老師麻麻，服務欠佳，都擔心今日呢個肥皂班唔知掂唔掂；點知上得好開心，老師又會一齊講笑，輕輕鬆鬆咁，最重要帶走的作品又靚又可愛！

上堂地點有點僻，好在有壯男 Tony 陪伴！入到去課室好細架咋，雖然親密ｄ，但感覺又幾融洽！

 

老師作品擺滿架上，個人超愛港式小食！

老師的真作品，好似呀！每人可揀一款自製食品，我揀左菠蘿油！

各種調色顏料＋香蕉：

 

先整日式和果子，兩種顏色任選，呢個係老師的樣版：

老師分發煮溶了的肥皂：

我揀了青綠色顏料及菠蘿香精味的香蕉，只用一小滴綠色就夠啦！

開始整自選甜品，先整菠蘿油的牛油，加兩滴黃色顏料就攪攪攪，跟住倒入器皿待乾。

細妹同Karen就分別整緊芒果果肉＋士多啤梨：

 

Tony 在整餅底：

我開始做菠蘿油個 body 喇，呢次要攪到好似泥膠咁"挺"身！

跟住按個包型出黎，係按，唔係搓，要記住呀！

似樣喇～～跟住放牛油入包入面：

 

成型+ing，已經好似啦！

細妹的泡芙、Karen的士多啤梨、Tony的 fruit tart 都成型啦！

我仲要努力整埋個菠蘿油包面的酥皮，今次要加 2 滴黃＋ 1 滴橙：

老師示範完就到我自己試，用完手再用牙簽～～

我我製成品 - 新鮮出爐菠蘿油，好似好似，好可愛好鍾意呀！

細妹的泡芙：

Tony的 fruit tart：



老師送的肥皂：

 

開心地拎住製成品影相～～

上完堂太陽哥哥帶我去買左個樽仔裝住個菠蘿油做擺設，咁就唔怕鋪塵啦！