2011-10-05 (Wed) Tea Buffet @ The Lounge (5日內第四次@JW Marriott!!)

之前幾天，四日內去左 JW Marriott 三次諗住應該完啦，點知．．．今日重陽假又去多次，今次我自己都覺得超誇張呀！

不過有原因既，一來今次去 The Lounge，係一間未試過的餐廳；二來有買一送一coupons，用埋去唔好晒麻；三來太陽哥哥真正放假日喎，佢平時好少有機會同我食到 tea buffet 架；四來 Kim 約我地同契仔玩，兩 pair 人無理由係元朗屋企您望我我望您架麻，一於約埋佢地去  JW Marriott hea！

最攪笑係一直以為食 3-6 pm，諗住食之前／之後仲可帶兩個小朋友去動植物公園玩；點知到朝早先知係 1-6 pm，即刻 call Kim 出門口！不過最後都兩點半先到，食呀食，食到天黑都未捨得走，因為呢度環境比起 Marriott Cafe 個邊正好多，舒服好多，一個超大落地玻璃由日頭睇到天黑，好 relaxing！但就去唔到動植物公園囉．．．

就係呢兩張買一送一coupons，令我５日內連去同一間酒店四次！哈哈～～

論環境，The Lounge 一定勝 Marriott Cafe，不過論食物， Marriott Cafe 好味ｄ同多ｄ呀！

敏昊已經識稱呼太陽哥哥做『Sunny 契爺』，叫我就一時『姐姐』，一時『契媽』，好鬼攪笑！無辦法啦，我個樣太細個，似佢平時見個ｄ姐姐麻！哈哈～～

一幫佢影相叫佢笑，佢自動擺好多甫士，好可愛！

雖然 The Lounge 食物不及 Marriott Cafe，但個邊餐飲只得咖啡／茶，最抵就係 cappuccino/latte，但呢度餐飲正好多，超級多選擇，仲係貴價野，只要唔揀超過 $65 都唔洗補 difference！

Kim 兩公婆揀左香草健康茶，茶壺成個上；我地就揀左 Chocolate Hazelnut，有呢個option簡直係為我而設，我的至愛，超好味！

影下相先～～

攝影師 Kim 話要咁影，影埋個靚天花喎～～

Kim 一家四口：

食到飽晒都唔捨得走，因為太舒服啦，咪同小朋友玩下、傾下計、hea下、free wifi下，一樣開心！

細佬敏雋好易笑，好得意！

天黑啦～～侍應都擺緊晚飯 setting，最爆笑係每檯都有蠟燭，敏昊就走去每張檯吹蠟燭，吹熄左仲係度拍手，當happy birthday，真係笑死我！

埋單只係$160有找每位就 hea 左成個下晝，抵丫！

臨別同契爺契媽 goodbye kiss，心甜～～

得閒咁樣同朋友 gathering hea 下，真係好嘆，今日我好開心呀！