2011-10-22 (Sat) Nok Nok's 4th Birthday Party

下星期諾諾四歲生日啦，表姐今日攪左個生日會，下午party，夜晚BBQ；我地冇咩送比諾諾呀，就叫左太陽哥哥畫左幅banner，開頭都驚佢忙冇時間整，所以我都冇同表姐講住，我都係臨前一日知道肯定有先同表姐講咋； 張banner都好有用呀，突然變左影相用之backdrop！

早幾日已經好擔心趕唔趕得切，不過又唔敢催太陽哥哥，只係係梳化遠距離睇住佢畫，偷影左相添！嘻嘻～～

今日十點未夠就去左大圍幫手買餸，真係買左好多好多野呀！

返到表姐屋企，大人就負責整大人野食！

我就睇住諾諾整小朋友野食，諾諾好有心機呀，親手整左好多野招呼佢ｄ朋友仔，有相為證架！連小弟弟間唔中都有幫手呢，哈哈！

張檯太高啦，要換張細檯先，小弟弟又坐埋一份！

真係出盡力～～

 

完成啦，好可愛呀！



跟住落會所整埋個凱撒沙律＋佈置，小弟弟一見到張banner，就指住哥哥呀！哈哈～～

Party 時間：

Magic Show：

 

 

每個小朋友都有氣球架，細妹好鍾意只for 壽星仔的胡迪＋巴斯，佢竟然叫左媽咪出去同扭波姐姐講：『我兩個女．．．恩恩想要巴斯，琪琪想要胡迪！』到扭波姐姐扭好氣球，叫每個小朋友個名出去拎時，人地叫到恩恩琪琪，我真係唔敢出去囉！哈哈～～

切蛋糕：

 

夜晚BBQ，太陽哥哥都收工黎左喇！

叫諾諾拆小禮物：