2007-03-27 Dinner @ Pokka

跟好姐妹食飯，就係欠左SaSa，唔緊要，下次再約！

美味的食物 ＋ 舒服的環境 ＋ 好傾的朋友 ＝ 一餐食左三個幾鐘的晚飯！好開心！

靚仔侍應哥哥好好禮貌，影相又好岩心水喎，總之，服務態度簡直係very good呀！佢仲好細心，提議我地記不如SAVE低會員號碼係電話度，咁咪唔使次次黎到打比朋友問囉！又成日拎食物比我地，又主動介紹甜品比我地，唔知係咪想炸家依過黎望我地呢？哈哈！

2007-03-25 太陽媽媽的迷您海鮮餐

太陽媽媽的海鮮餐：司X (唔識寫)，椒鹽瀨屎蝦，飽魚粥！好好味呀！佢仲教我要加ｄ料落粥度先影呢！

2007-03-19 Yammy's Last Day

由於聽日放假，我就當左今日係Yammy last day，預備左一張簡單既Q牌Yammy送比佢！佢今朝仲買左最後一次既朱古力奶我飲，其實．．．我又點捨得飲呢！午飯同Jimmy & Bebe一齊同佢賤行，去左馬鞍山ChinaRed食午飯，誰知Yammy比錢，佢話佢亦同隔離office farewell左好幾次，而我地當中亦各自參與過，己請過佢，所以佢今次要請返我地！既然係咁，我地都唔勉強啦！

最開心係，走個個係佢，但佢仲送禮拜比我，係我最鐘意的心型既手鍊，仲有同bebe一pair既姊妹印仔，好開心，但亦好唔捨得！聽日放假唔係度，未必係一件壞事，因為我驚我會喊．．．

2007-03-17 Surprise again!

兩日前，太陽哥哥已話今日會帶我去一個地方，一切到時咪知囉！原來係．．．婚紗展！真的好驚喜，亦好感動，其實呢兩次的安排，加上他的計劃，著實令我心潮起汱好大，中間夾雜著一種苦盡甘來的感覺，慶幸自己係迷失時冇輕易放棄左呢段感情，希望我地可以一路好好咁走落去．．．

2007-03-16 潼潼長大左好多

半年冇見過的BB，眨下眼就變到咁大個，好多野講，但唔知佢講咩，啲BB話好得意，佢好得人鐘意，得人錫，好乖，叫佢做咩動作就做咩，仲識跳舞拍手坐低執野錫人．．．呢次係佢第一次同人影相時識對鐘頭笑，我真好彩！定係佢好鐘意我呢？哈哈！

見返他，總會令我想起跟他以前四年半的感情，來來回回，離離合合咁；一齊時，分開時，前前後後，當中令我掙扎過、猶豫過．．．今日見到他都好開心，有種好好的感覺，希望他能活得快樂！

2007-03-14 遠方寄來的郵包

好耐冇收過郵包了，起初還以為泰國的朋友寄來，點知原來係我最要好的朋友從澳洲寄來！感覺很溫暖，很特別，就像回到了讀書時代，互寄親手寫既信件，咭仔，禮物一樣，很窩心．．．Tracy係我呢世人最要好的朋友，best friend，best，最好的意思，點為之最好，即係得一個架咋！試問係呢個通訊咁方便的年代，仲有幾多人會寄信，見到得意的野就買低寄比心愛的朋友？Thanks my sweet heart!!

 

2007-03-13 Surprise today!

今日食完晚飯後，太陽哥哥帶我去左一間，佢覺得擺酒會唔錯，佢的婚宴亦想係度擺既酒樓．．．說不出的興奮和感動！

2007-03-10 學畫畫

今日跟太陽哥哥畫畫，誰知，慘不忍睹，連畫臉的一個圓圈都畫到"咩"晒．．．最後太陽哥哥問我學黎做咩喎，佢畫咪得囉，嘻嘻！慢慢畫下畫下，無端端就完成左一幅鉛筆稿！今次仲係佢第一次比人望住佢畫畫呢，又奪左佢一個第一次，哈哈！

2007-03-09 舊同事聚首 & 又有禮物啦！

今日Nora & Audrey返黎同我地開年呀，真係有心，一個月前己約定，食飯個刻，真係好似返返五六前咁，好warm好懷念！諗到宜家office人面全非，真係好無奈．．．Nora仲買左我平時鐘意的朱古力，真係好開心！

Yammy又送野比我啦，今次好曳，仲玩收埋，但我冇為意，到下午先發現，哈哈！試問擺到咁隨意，加上我又咁忙，張枱咁亂(哈哈!!)，我無端端又點發現到呢？不過呢個驚喜，我好鐘意呀！

可惜呢啲surprise，應該唔會再有了．．．其實您咁錫我，做咩要走呢．．．

2007-03-06 我的寶貝，再見啦！

由於空間有限，但唔等使既野太多，唯有將極少用既野，放入倉度，包括我心愛的毛公仔．．．我的寶貝，再見啦！

 

2007-03-04 有線電視之球彩碌齡慶團圓 & 舊曆生日

今日去左有線玩呀，其實ｄ飛係阿漢攞到既，但由於佢唔得閒，將飛交比我地，係保齡球比賽，因為係元宵活動，要一男一女比賽，我地研究左好耐，問過有線又可以帶多ｄ人，就決定我跟BEN比賽，細妹同太陽哥哥做啦啦隊，點知去到有一隊黎唔到，有線知我地多人，叫我地頂埋，相議過策略後，為左sure win，我繼續part返BEN，細妹就同太陽哥哥一組當玩下！

結果我同BEN以177分win左隊際冠軍，仲做了訪問添，好開心，好叻好勁呀！原本我都好大機會win埋女子單打冠軍，好可惜唔清楚遊戲規則，原來球一落坑就冇得再碌，分數就此計算，早知的話，那球就唔會搏碌低埋淨係最左邊的一支樽，應該棄樽碌直線，得知最高分的女仔只係121分，真係好唔開心呀，因為我碌到第五／六球已90分，好大機會百三四分架！至於BEN，由於男的最高係161分，都算高分，BEN最終都輸左比佢！不過有個隊際獎都好開心，表示我地合作無間，係無幻組合麻！Yeah~~

ｄ主持人好攪笑，好玩得，影左好多相，不過講真，ｄ主持我之前都唔知係咩人，真係唔知佢地係乜水！哈哈！

由於呢個節目係冇明星，所以唔會係有線當一場show咁播，而係將全個活動剪成一兩分鐘，一節節咁成晚幾個鐘咁慢慢播出，太陽哥哥知我好想睇，由十點捕蛋咁捕住個電視，迫住睇埋ｄ佢唔鐘意睇既球賽，成四点先訓，就係為左隨時幫我用DC拍低我上鏡既片段，好感動呀！睇到佢set個陣，真係笑到想噴飯！哈哈！

誰知我個好姐妹phoebe，竟然胡里胡塗，幫我錄左個係早ｄ時間播出，而太陽哥哥等左成晚都冇再重播既一段訪問，真係好驚喜，竟然無拉拉儲齊晒兩段片！phoebe仲話佢好忙，唔敢應承我幫我錄，其實我真係冇預佢錄到，反而係知佢有有線就叫佢睇下我上電視，佢好傻，仲同我say sorry話只係錄到呢ｄ，對我，已經好足夠，我ｄ朋友真係對我好好好呀！

攪笑訪問 take one    　　

訪問一 (剪輯前)               

訪問二 (剪輯前) 　　　

剪輯後 (一)                  

剪輯後 (二)　　　　

剪輯後 (三)　　　　

唔可以忘記既係，正月十五元宵佳節，亦係我既舊曆生日，媽咪好好呀，一早開始整野食，整到我地返黎，幫我開左個小型生日派對，雖然之前同佢因為時間上的衝突起了点磨擦，但佢最終都肯讓步比我去呢個比賽，都算係咁啦．．．係屋企煮野食既生日派對，真係十幾年冇試過，有種好溫馨的family feel，見媽咪由朝煮到晏，真係好感動！今日我既至愛都係晒度，我好開心呀，呢個元宵真係好難忘！

2007-03-03 環球嘉年華 & Funny movies at bowling centre

今日去環球嘉年華，ｄ飛買左成個月啦，好期待，好可惜，真係超多人，每個game都要排一至兩個鐘，所以我地只係玩左幾款機動遊戲，有ｄ可惜！

黎張大合照先

呢個幾低ｂ的鬼屋，我地足足排左兩粒鐘．．．

排隊無聊時影既騎呢片段，有跌公仔，甩鞋，公仔都玩過山車，魚網絲襪腳(邊個夠膽索啖？)

甜蜜全家福

較為好笑的一個MOVIE                

戰利品出場!! 除左其中一隻橙色炸單人係我掟到外，其他都係太陽哥哥大顯身手既戰積，諗返，呢度都用左九十個金幣，如果唔係連埋張飛送，真係唔會花錢掟咁多，但又因為咁，我先盡情咁掟，因為冇得帶走麻，掟得放ｄ，唔會就住就住，都幾好玩！隻公仔我算叻女啦，只係四個coins就掟到，反而明記用晒成袋coins咁滯，廿幾個先掟到！但其他game，我真係唔夠力掟呀！至於隻winnie the pooh，係我地知琪琪鐘意，玩左成30個coins先掟到，琪琪一見到，原本坐埋一邊休息緊的睡眼惺忪樣，即刻變到金睛火眼生猛晒，仲跟我地一齊掟添呀！

左：影影影，影夠未呀？冇眼睇啦！右：睇吓我地，friend過打band！

 

跟住去左碌齡，順便為明天的比賽練習，點知BEN又發生ｄ攪笑事件：

(1)    傻BEN比人昆              

(2)    傻BEN比追訪 (請留意49秒後)                     

(3)  姣婆BEN上身                                   

(4)    GIV仔變魔術