2015-10-21 (Wed) OP遊 - 我的快樂動物時刻(海洋運動家)

今日參加了OP的我的快樂動物時刻(海洋運動家), 所以一早要黎到, 因為1030要去到山頂跳樓機集合; 一開門就急步行, 第一個搭纜車, 真係好誇, 皆因丁爸爸抱住丁丁都行到競步咁快, 好犀利! 呢個活動可近距離接觸海豚海獅海豹三種海洋生物, 而暫時係唯一一個活動岩三歲小朋友參加到, 所以我好早已報左名; 其中一隻海豚係BB, 只有三個月大, 佢地真係好得意, 見有人好似特登表演比我地睇, 又游過黎, 又跳水, 又揮尾! 今日先知海豚原來唔洗訓覺架, 佢地左腦右腦輪住用, 仲勁過人類呀! 而海豹真身原來咁肥嘟嘟, 佢唔會好似海獅咁行出黎, 係貼住地下一下一下咁彈出黎, 好攪笑架! 最後係丁丁最鍾意的餵魚時間, 我地之前都玩過, 所以拋落水對佢已冇難度; 跟住去企鵝餐廳食lunch, 第一次黎, 丁丁好開心, 食晒成條銀雪魚, 有野岩佢食我就最開心; 最後搭海洋列車返威威天地玩, 落山冇人上山超多排緊隊, 證明我既計劃: 上山纜車下山海洋列車係超岩(冇聽職員講唔好搭纜車上山); 玩到三點幾就閃, 去搵EE食晚飯!