2015-03-01 (Sun) Hollywood Hotel

第一次帶丁丁去米奇屋企住, 以前同丁爸拍拖住過Disneyland Hotel, 今次試下Hollywood Hotel先, 人地話多D米奇野; 十二月已訂定, 因為原來每年三月頭同九月頭先係全年最平的"指定日子", 加上我張金咭有八折, 約千四五一晚, 扺! 丁丁都好開心咁過左晚, 係check in 排隊耐左D, 兩點攪掂完都係未上得房, 要照足三點先得......最後為爭取時間, 先游水, 唔係怕撞丁丁nap; 天氣仲凍, 唔敢係衡溫泳池, 好在有個jaguzzi , 成38度, 又無人, 得丁丁同丁爸兩個霸晒成個大浴缸咁, 好正! 跟住上房沖涼, 一吹完頭丁丁就謝左........由於要比野東涌何太, 我地都係東涌食埋西餐先返酒店; 返到去係房間睇煙花, 再落去shop買野, 店員比左成套貼紙丁丁, 真係好開心! 掃左四件三折衫, 最重要有條好唔誇又幾靚的公主裙!