2015-02-14 (Sat) 行花市

今晚情人節冇出街食飯, 係屋企快快食完帶丁丁出去行花市更有意義! 丁丁一入場就被釣鴨仔吸引, 梗係比佢玩啦; 如往年一樣, 買了個動物氣球比佢, 好似拖住寵物一齊行咁, 吸引左好多途人, 個個都話, 好得意呀好得意呀, 我諗聽左不下五十次! 咁就又一年了, 丁丁大個左好多, 但高度就唔係好大變化咁; 亦懂事好多, 我話唔好整濕狗仔隻腳, 佢見到有水既地方自己抱起狗仔! 丁丁今年對桔特別有興趣, 唔知係咪學校見過幾次, 佢一見到就會衝埋去, 企定定笑晒口咁要我幫佢影相, 好攪笑!