2015-02-11 (Wed) AIA carnival 慶生日

今日生日正日, 慶祝已不再為自己而是帶呀囡去玩了, 佢開心我就開心! 我地去左AIA carnival , 多謝任美送左兩張入場卷比我; 入場前先同丁丁briefing, 我之前掙扎應唔應該去, 怕燒銀紙其一, 因為丁丁未懂事, 好難令佢明白係幾咁貴咁玩一次; 二來係怕就算我肯比錢, 丁丁都未必夠高玩, 因為佢太mini size了! 最後都想去, 所以入場前個briefing真係好重要兼認真, 最後我地只係用左$340, 唔錯! 有D丁丁唔夠高都冇所謂, 因有大人陪, 但有D真係好嚴, 唔比就唔比如鞦韆.....最正係我地返工時間黎, 冇咩人, 遇上中國人的職, 通常都隻眼開隻眼閉, 會玩到多一次或D遊戲唔計時, 所以我地有賺架啦!

係丁丁玩波波池遇到被人蝦事件, 我呢個緊張媽媽梗唔會比呀囡比人蝦, 攪左段插曲, 不過唔係度講啦~~