2013-06-02 (Sun) Macau Trip & Ding's 8M Celebration - Day 1

小丁丁第一次出國, 哈哈! 只係去澳門, 都幫佢帶左好多野, 連新鮮blended fruit 都用冰袋帶上船, 水都帶定一支, 因之後兩天都要煲蒸餾水比佢, 預備得幾多香港水得幾多; 小丁丁對一切都好好奇, 坐地鐵啦, 坐船啦, 坐旅遊巴啦, 攪笑!

今次住Sheraton, 其實係幾個月前見買一送一時訂既, 揀佢係因為貪佢有三個靚游泳池, 同丁丁游水係我地其中重要一環!

三日兩夜旅程展開, 有幸丁呀姨都一齊去, 我地多左好多歡笑聲, 又多個人幫手照顧丁丁!

一如以往的澳門行程, 多得Yammy幫手design, 正爆, 特別鳴謝佢呢! 第一日行程先去酒店check-in, 我地被upgraded to
Executive Suite, 唔通因為丁丁八個月生日? 好大間房, 尤其個浴室, 最impressed係之前request既baby
utensils好齊全好乾淨; 仲成pack Mustela, baby powder, Sheraton bear bear 送比我地, 正!
不過講到靚同大, 感覺兩年前住的Hard Rock靚同型好多!

餵左丁丁食tea後, 我地就出發到官也街, 去行街/買手信/食野, 去埋住宅博物館參觀/影相; 個度以前有塊無野既地, 已經起左個花園啦, 仲超似台灣清境個瑞士花園, d羊呀風車呀咁, 90%相似! 晚飯係誠昌食田雞粥, 我唔食的, 不過兩個至愛食, 我梗就佢地啦, 我就最回味個炸花枝丸!

返到酒店黎個bubble bath, 丁爸爸同小丁丁一齊共浴! 唔知係咪晚飯食粥, 好快肚餓, 但酒店四周係死城, 唔會有野食; 丁丁訓覺後,
交比丁呀姨看住, 我同丁爸爸踢拖落lobby睇下買到d咩, 原來可以入賭場買! 點知, 攪笑既事出現, 我竟然被要求查證件,
個secure質疑我未夠21歲, 我O左咀, 我話我三十幾啦, 仔都生埋, 係上面訓緊訓, wahahaha! 可能我著住套訓覺衫太細路啦, 哈哈, 不過佢仲係堅持唔比入! >< 我地又冇證件係身, 醒目丁爸爸話去第二個入口入, 得左! 走時特登去個個入口出, 諗住耀武揚威一翻, 點知換左更, 笑左~~~