2013年5月12日 星期日

2013-05-12 (Sun) Mother's Day brunch buffet@Hotel Icon

今日係Mother's Day, 一早諗定同兩家人一齊慶祝, 一次過唔洗煩; 細妹話想試Hotel Icon 就一早book定, 仲要上個月要full payment先, 真串! 不過食埋今日, 應該唔會再黎住, 好似冇咩再驚喜; 定係我冇咩enjoy過呢? 開始時, 一係就抱住丁丁等食, 一係就見佢一訓就快快快食; 到後段有人食完幫手湊丁丁, 我已經唔餓了.............同丁丁一齊, 真係不太適合食buffet, 有點吃力.........到今晚靜靜地時, 回想返一整天, 又見到好多mama post facebook 講點過佢地的第一個母親節, 突然好心酸, 仲眼濕濕.....係, 今日原來我係應該enjoy架, 但點解咩都好似要我去費心咁既? 連呢餐飯都係我arrange............我都係母親, 係我同丁丁第一個母親節, 應該好有意義架!!! 但點解我個腦海冇咩野諗到值得回味既? 只係覺得趕, 攰, 爭取時間........原來, 我連同丁丁一張sweet sweet合照都冇, 好失落.........時間過左就冇得返轉頭, 我既第一個母親節就咁冇左...........



沒有留言:

張貼留言