天公造美，這兩天不用返BC，正好比我好好準備；尋日已落街市入定貨，買左2磅雞翼2磅雞扒2斤排骨．．．諗住黎緊都要成日煮飯，試過放工去街市，咩都買唔到，買定多ｄ肉類放係雪櫃先得！點知今日都比我煮晒咁滯，宜家得返十幾隻雞翼係凍箱咋！
今日先整左 醉雞翼先，整完放係雪櫃，要十幾個鐘先好味麻！
晚飯準備整光波金沙骨(尋日開始醃架啦!)及雞柳炒翠玉瓜：
光波金沙骨一半試用錫紙包住光， 一半就咁光，試下點光好味ｄ！最後發覺錫紙包住個ｄ冇咁乾身，多ｄ肉汁添，但顏色就冇咁靚！
煮得飯梗係帶埋愛心飯盒啦！
晚間電視小食：醉雞翼～～太陽哥哥話正呀，好開心！
沒有留言:
張貼留言