克勤與香港小交響樂團演唱會2011～～
成件事太陽哥哥亳不知情，多得 Hazel 幫手，我地密謀左個幾月的事，今日揭盅！
到臨入去鋪頭時，太陽哥哥先知有呀仔兩公婆！
醫完肚就去睇show啦，太陽哥哥笑容好開心丫！
多得 Hazel 幫手，拎到 Row AE 行位置，係全場真正第五行，超近呀，就快掂到克勤咁！
好 grand 的水晶燈＋好隆重的樂隊：
冇zoom 狀態下係台中心的克勤：
行到台前位置已經接近我地個行！
成晚克勤係我地面行行黎行去，我盡力影晒佢所以服飾的前後：
遺憾地咁前都冇得握手，反而上面梗位的邊位觀眾有份．．．我唔制呀！
好犀利的口琴五重奏：
二胡變結他key跟西洋結他互鬥，呢幕全場反應熱烈！
全首舊歡如夢倒轉唱，新鮮的嘗試！
Opera環節，克勤好似莫華倫上身咁，哈哈！
戴住的溥儀眼鏡鑲晒鑽石，價值過百萬，克勤話要chok樣先得，好笑！
繼續服飾前後：
克勤話要葉詠詩比佢試做指揮，葉比左個remote佢，克勤用個remote玩謝成隊小交，play、pause、stop、volumn up、volumn down、fast forward、slow foward，最爆笑玩埋mute，成隊team一路扮玩緊樂器但冇聲出！
克勤認真有心思，將自己、兩個仔立仁和力司、葉詠詩、趙增熹既大頭相製作成遊戲動畫，包括孖寶兄弟、食鬼、Angry Birds等，好惹笑！
小交中場休息，不過趙增熹幫克勤繼續鋼琴伴奏慰觀眾～～
亦係臨時的嘉賓時間，今晚周慧敏同倫伯都有黎捧場，我個人想睇周慧敏多ｄ，不過克勤請左倫伯，話回顧左倫右李喎；點知又幾攪笑喎，倫伯好多口水同gag，觀眾們係咁大叫大笑！
倫伯被邀上口，佢仲想跳上台，不過被克勤阻止，總之佢真係笑料百出！哈哈～～
倫伯扮葉詠詩做指揮，對蘭花手真係呢～～
唔知點解相機拍movie時的對焦好怪，zoom in 左再zoom out會變得唔清，zoom out 先但到zoon in時又調返轉唔清，所以拍左兩段；一段係close up 台上，一段係拍台下好投入的全場觀眾，包括呀仔兩公婆同太陽哥哥！
「頭條新聞」環節～～唱出唔同歌曲來寸盡陳振聰、唐英年及摑警案的Amina，配合埋好update的剪片，歌詞同段片好貼題，惹來陣陣迴響，令台下觀眾拍爛手掌！其中唱郭富城的《我為何讓你走》時，片段中出現包致Amina掌摑警員及入獄照片，現場仲播出"I don't care, i want to leave!"，觀眾反應最為熱烈！
全場飛花，靚～～
繼續服飾前後：
唱出佢個人的"穿梳機"，回顧佢的人生，亦破例地公開與同太太及兩個仔的生活照；克勤的一段心聲話好感人呀，佢本人唔係我偶像，我對佢不討厭亦無特別喜歡，但好欣賞佢的人生觀；佢話想做一個稱職既好爸爸，所以近年時間放少左係事業，但並唔代表佢放棄事業，事業對佢同樣重要，只係佢唔想miss左兩個仔的成長，見到屋企人開心快樂，佢就好滿足～～我就同太陽哥哥講，佢咁鍾意克勤，記得學下佢咁！嘻嘻～～
以橙色衫出場encore部份：
謝幕～～
坐到咁前，臨走時留念拍照～～諗住有樂團的演唱會只係齋聽歌，應該會好悶嫌可能聽到訓著左！但克勤加左好多娛樂環節，結果高於期望，加上坐咁前，氣氛好好，真的不錯！
沒有留言:
張貼留言