2011-07-10 (Sun) 鼎泰豐晚飯．哈根達斯甜品．3D Transformers

今晚節目好豐富呀，先同呀仔兩公婆去食鼎泰豐晚飯，今次仲有幸坐窗口位呢！

鼎泰豐食過好多次，所以冇特別影，除左呢左新野，係甜品 - 赤豆鬆糕，又幾好味喎；好在呀仔佢地係度，唔係太陽哥哥平時實唔會叫～～

呀仔永遠唔洗我叫已經就好自動咁擺定甫士比我影相！嘻嘻～～

訂左飛睇 3D Transformers，因為未夠鐘，就去左哈根達斯嘆甜品同傾計；我地叫左兩個甜品，情迷燕尾服＋金檳櫚，點知．．．

完全貨不對辦，我杯"情迷燕尾服"精髓係個燕尾服度架麻，點知黎到，三粒鈕冇左，連個煲呔都冇呀！金檳櫚就好似少左幾粒耐糕咁囉．．．攪到 Hazel 同 waitor 哥哥反映意見，都岩既，您冇應該個客叫時講聲麻，我為左個 cute cute bowtie 叫呢杯野，黎到見唔到會好唔開心架麻，食甜品應該係好開心既一件事架麻！

呀仔兩公婆十二月已confirm左去韓國滑雪啦，都有問我地 join 唔 join，但佢地個行程係八日，太長啦，太陽哥哥無咁多假；唯有到時中間可能 join KTS 然後過去 meet佢地一齊滑，希望今次有機會一齊滑返幾轉啦！

跟住去 iSquare iMax 睇戲，好強好好睇，睇得出套戲好揼本，好多打鬥場面，睇3D視覺正好多！

睇完已經十二點幾啦，呀仔車我地出旺角，一路行到去海運露天車場，全場得返呀仔部車！我好鐘意黎呢個得露天車場架，呢度除左夜景靚令我鍾意之外，亦因為同太陽哥哥係度有段好深刻既回憶！