太陽舅父係澳洲返黎，今晚約左一齊食飯；舅父明去澳門，又想報團下星期去上海，月尾再去柬埔寨，四月中先返澳洲；行程相當緊密，勁！
今日食飯前我地先去銀行中心康泰，幫舅父報上海團，之後去新星食晚飯。
食左：
好豐富呀！
影相先～～
另外，一直覺得屋企廚房的sink盆好細唔夠用，黎緊媽咪隔離屋裝修，難得師傅話幫我地換個雙sink盆，佢仲我地去買個盆返黎就得，到時封返封利是比佢就攪掂，超開心！
今日下晝同媽咪出左荃灣睇，係富記揀左好耐，掙扎緊要一邊大一邊細好，定係兩邊一樣大好！
最後諗掂要一樣大啦，方便ｄ穩陣ｄ，點知話係舊款，得返display，係咁氹我要大細邊個款．．．到我決定好啦是但啦，又話大細邊呢款係新款，冇贈品送喎！頂，我即刻唔買，打比太陽哥哥，佢話楂完車同我一齊去旺角再睇，個度咁多鋪，希望有啦！
係旺角一見到有得買Franke呢個牌子時，即問仲有冇 GEX 620B 個款，好幸運呀，只係行左兩間就有貨呀！唔知係咪太陽哥哥有運呢，真係好開心好開心，就快有雙sink盆用啦！
不過因為我地仲要去旺角報團同食飯，唔方便拎住咁大盒野，所以留返聽日先拎！
沒有留言:
張貼留言