2011-12-31 (Sat) 除夕晚飯@迎月小菜館．倒數@Mikiki

正為除夕晚飯去邊度食/過時, Ben 邀請一齊食飯一齊過, 好吖! 佢仲訂埋檯, 去左新蒲崗的迎月小菜館, 呢度專食辣, 又幾好味喎!

為答謝姚氏咁有心係2011最後一日揀左同我地過, 我買左兩個 Jumbo size 既零食比佢地! 好鍾意好大粒既桃哈多呀, 足足大五倍架!!

大約食到十一點, 就過左新開的Mikiki 商場, 行街+等倒收; 勁喎, 呢個咁僻既商場, 竟然請到那些年男主角黎倒數!

太多人, 根本埋唔到去睇, 唯有睇電視.....

Happy New Year!!


跟住搭的士去黃大仙地鐵站, 再搭 42C 返屋企!

今日太陽哥哥好浪漫, 日頭楂緊車時打電話比我, 話不如大家今日以$300做budget, 各自各買份禮物送比對方; 一齊咁多年, 難得佢咁有心攪下情趣, 我當然欣賞+奉陪啦! 返到屋企交換禮物, 真係好開心呀! 佢超鍾意我買的風褸, 第二日即著添!  我會絕對贊成兩公婆一定要製造多d 情趣呢! 傾計下先知, $300好難買, 大家都原來過晒, 哈哈!

2011-12-31 (Sat) 翻身動物園．Lunch@金牌小龍．買泡芙

2011最後一天太陽哥哥要開工, 我就同諾諾一家去睇戲食飯, 渡過左一個好開心的除夕日頭!
先係日丁一保食早餐, 呢個就係我2011的最後一個早餐:

跟住去The One 睇翻身動物園, 因我同琪琪係臨時加入, 我係上網買飛既; 我教諾諾點樣用信用咭拎飛, 佢好好奇點解唔洗排隊比錢就會有飛, 我仲教佢咩叫VIP添! 哈哈!

睇完戲我地去食金牌小龍食lunch, 琪琪送禮物比兩位小朋友!

Jayden剛訓醒:

諾諾餵恩恩食藥, 原來佢未食過藥丸, 所以對我d 藥都好好奇!

古靈精怪的諾諾:

跟住我地首次單拖諾諾行街街, 由iSquare行去尖咀地鐵站內買puff , 跟住經iSquare去返東企業廣場搵表姐, 咁佢同表姐夫就慢慢拎相機去整! 係街行緊時, 諾諾一見到新奇野就叫我同佢影, 又同琪琪影一齊跳既相, 又要我地同佢玩飛樓梯等等, what a really short trip full of fun!

係Canon維修中心等時, 兩個小朋友樂於為大家服務, 係咁斟水比大家飲!