今日到我跟媽咪上堂，想學蒸肉餅好耐架啦，因為可放係煲或電飯煲內蒸，咁煮餸時可少一樣餸用鑊，煩少樣麻！
材料：$15半肥瘦梅頭(媽咪自己剁碎, 我整梗係買攪碎算啦!!)、8粒冬菇、四粒馬蹄、兩片魷魚。先醃肉碎，用約半匙糖、一匙粉、多多生抽。
其餘材料切粒，跟住同肉碎撈埋一齊就可拎去蒸架啦！
今日有我勁極鐘意的貝殼類，仲係大蚌，街市唔成日有架！但我返到黎時，媽咪已洗好晒，佢仲話我唔好學呢樣啦，因洗得好辛苦架喎！
調味：鹽、蒜蓉、少少豆粉。
鋪上粉絲就可拎去蒸架啦～～
落ｄ鼓油可以食啦，呢樣餸我超鐘意食架！
今晚都有蒸魚，但我怕買魚，應該好少煮架啦！
沒有留言:
張貼留言