今日又係屋企繼續 Freelance+ing，本身都諗住唔出街，留係屋企做野啦；有諗過煮飯比太陽哥哥食添，但最後都係打消念頭，因為我連落街的時間都冇，一起身就開始做野，連食野都係叫外賣咋；冇計啦，只得星期六日day time有時間，做得幾多得幾多麻；尋晚我未夠十二點就訓添呀，簡直係假期罕有奇事，可想而知我日頭用左幾多腦力！
下午時間太陽哥哥打黎，佢話突然想食鼎泰豐，難得佢咁有諗頭，又話約埋占美，唔洗我諗節目，我就加把勁做野，跟住就出去啦！
雞絲蝦仁春卷同絲瓜蝦仁小籠包係今次的新嘗試，前者好正，但後者只係一般，都係傳統的小籠包好味好多！
占美宜家返夜呀，佢話中午先開始訓，跟住太陽哥哥四點幾打比佢，正係熟睡狀態，訓到一半就出黎見我地啦，真係好！我都好開心同佢食飯呀，因為今晚有好多笑話，吊鹽水食buffet呢個笑話真係笑到收唔到聲！
不過占美唔夠睡眠時間跟住又要返工就慘左ｄ，自從佢份工返夜後，我地少見左，希望佢快ｄ搵到份日頭工，咁一切回覆正常，我地就可一齊玩多ｄ啦；我已經叫左佢25/12一齊去 christmas party啦，希望佢request到放假啦！
第一張我跟占美的合照：
沒有留言:
張貼留言