一如以往，今日起身陪太陽媽媽食早餐，跟住買野！太陽媽媽今日打牌，煮唔到飯，佢就問定我星期一帶唔帶飯，係就聽日煮飯我地食，咁就可以帶埋飯；真係好細心同錫我地呀！其實佢打牌就打牌啦，唔洗怕，因為星期六我地通常都會出去行街睇戲食飯，跟住等碌齡既！所以真係．．．攪到我有ｄ唔好意思添，不過有多個媽咪錫自己，多好呢！
今日我地買日用品時，順便添置好多零食；揀左好多一對對既野，好開心，影返張靚相先！
之後出去行待，見到個好得意的迷您珍寶珠扭蛋機，仲係有支筆仔係入面架，太陽哥哥就扭左個送比我！好得意，我好鐘意，多謝！
等巴士時，為左試下支筆仔有冇墨，有個頑皮男生仲當街．．．塗鴉添．．．
去到齡場，我比大家睇，仲問下次碌齡比賽用呢個做禮物好無，點知比休踢爆我仲想要其他顏色又驚扭唔中，所以以呢樣做禮物，咁我就可以達到目的！咁都知，果然了解我，醒目！哈哈！不過，都係一個笑話je，唔係點氹得大家笑！
今日見到一張超聲波紙，好細粒的．．．係個baby？！真係好奇妙！真係唔識睇，不過，以我呢個出名既神算子，我批呢個Ｂ係有啫啫既！大家拭目以待啦，哈哈！我好鐘意呀，因為我鐘意仔呀（呢期．．．唔知幾時又轉架）！哈哈！
沒有留言:
張貼留言