今個情人節係平日，個個要返工，其實放工得幾個鐘，都做唔到ｄ咩，只係食飯同去睇戲咋！
飯就擺明比人賺架啦，揀左幾間，全部都只做情人節晚飯，SET死左有ｄ又唔岩食，後尾都係揀咗Fish & Co.，因為頭盤有我鐘意食既生蠔！
戲就睇"冧歌有情人"，原本諗住捧華仔場，但約了朋友看，唯有睇第二選擇啦，抱著一般心態入去睇，所以好睇過預期，有笑有感人！ｄ翻譯好攪笑，用晒本地ｄ歌星名，譯得好local feel，好有親切感！Hugh Grant 雖然老左，但我反而覺得佢好Man，有另一種味道！
沒有預備禮物，因為有人想實際ｄ，唯有等遲ｄ先買返，我仲有兩份要揀呢，哈哈！但兩手空空唔係我一貫作風，尋日已係chocolate買定件衛衣，有ｄ小禮物頂住先好ｄ麻！到今日，扮晒唔覺唔覺，行下行下行去chocolate門口，然後比張單太陽哥哥，同佢講：唔該您去cashier幫我拎ｄ野丫！surprised！哈哈，呢招之前冇用過架，型！（自信心爆棚~~）
沒有留言:
張貼留言