2007-02-11 生日快樂

今年的211除了是我的生日外，亦是非洲的結婚日子，去與不去掙扎左好耐，最後，都係決定跟太陽哥哥過，因為呢個係我跟他一齊後的第一個生日；結果，決定冇錯，這個生日留下難忘的一頁！

我跟他共同的第一次及收到的十一份禮物：

第一次指大家都未去過的廸士尼酒店，其實我地都各自各拍過拖，但我每次拍拖都有個少少野蠻的想法，就係平時跟他做既事，希望都係大家的第一次先有意思，如果他跟以前的女朋友去過做過，我就唔鐘意再做了，而我亦唔想將做過在其他男仔身上的再向他做一次架，哈哈！去廸士尼呢個環節，係搭地鐵佢拖住我行去東涌線時我先知，好驚喜！

不過我地原來訂錯酒店．．．這間不是以米奇做主題的酒店，房間內亦冇好多得意野，而且價錢亦比較貴呢！

十一份禮物不是因為十一號是我的生日，而係我跟他認識了十年才走在一起，今年是認識第十一年了，佢話要補返咁多年冇送的禮物比我！而每份禮物上面都貼左張咭仔，前面畫咗佢個嘜頭，後面就寫了些謎題比我估！最攪笑係由於太多禮物，佢要先入廸士尼一趟收埋ｄ禮物，睇到佢就舟車勞動，費盡心思，真係好感動呀！有兩個好攪笑的小插曲，第一個係因為花太大，不能收埋，唯有交比職員收埋，點知職員敲門比佢時我"哨"到；第二個係，多手的我，一入房間已手多多開ｄ櫃桶黎睇，原本都順利過渡，點知我無拿拿連床邊最底個櫃桶都多手一開，"yi，點解．．．"，都未講完，佢已一手嘭返埋個門然後問我，仲咩要咁多手？哈哈!!

第二天回家時撞岩靚仔的兄弟團在青衣飲茶，佢地就叫我地過去chi餐，咁靚LOOK的他們我點會放過，梗係要影相留意啦！

回家後太陽哥哥幫我做房間清潔，因為新年快到，再唔做真係比媽咪鬧死啦！之後去了食晚飯，開心的時光過得特別快，我的生日慶祝活動就在此完滿結束了！