2015-12-03 (Thu) 大老闆

一踏入十二月, 突然有份心傷....其實七月已知大老闆一月會走, 移民紐西蘭......我一入中大就識佢, 雖然同佢極少直接的工作接觸, 係試過中間有半年.....我對佢的那份感情, 係又敬又畏! 屈指一算, 佢更係我人生中佔有半段時間, 真係好長呢! 入黎仲係妹妹仔一個, 但佢睇住我結婚生囡......佢都有出席我呢個無名小卒的婚禮架! 尋晚發夢見到佢, 先感覺實在佢要走啦! 好唔開心, 我呢生可能唔再見到佢, 我仲可以做D咩? 諗到呢到, 真係喊左出黎, 跟住訓唔返........今朝摷極電腦, 原來連一張同佢的合照都冇, 幾個鐘後, 佢神奇地佢出現office, 有幸同佢影返張合照, 可能係唯一, 亦可能係最後一張..........soooo sad!