2014-08-14 (Thu) Life@ICS

丁丁今個星期開始升班啦,去左大課室, 工作選擇會多左, 仲有個食物corner, 每堂有一位同學會負責帶雞蛋/麵包/花等返學, 好得意! 而父母陪上堂既位置, 比起小課室後左, 開始逐步分離; 不過似乎我陪丁丁上堂時, 丁丁黐大人既情況反而仲多, 婆婆話佢陪上堂時, 丁丁唔係幾洗要佢陪; 但我返的話, 丁丁係咁要我陪住佢呢, 而佢做完工作時都會好滿足咁對住我拍手/笑等, 想我知道佢好叻咁!