2014年8月31日 星期日
2014年8月30日 星期六
2014-08-30 (Sat) 探訪Phoebe二囡出世及新居@大埔帝欣苑
Phoebe二囡出世啦, 今日一次過去佢新居探佢, 黎個大gathering; 不過時間有限, 玩左兩個幾鐘, 梗唔夠喉啦, 所以約定九月尾再黎過!
2014年8月29日 星期五
2014年8月28日 星期四
2014-08-28 (Thu) 極尚大喜屋
還人情~~一早訂了極尚大喜屋, 刺身的確比一般放題新鮮大件好味, 燒物都好味, 不過也拍得住燒烤時代, 價錢略貴了點, 但食到新鮮的刺身同限定版HD香蕉味, 補返!
2014年8月26日 星期二
2014-08-26 (Tue) 丁丁好友Sunny@ICS
丁丁好友Sunny好可愛, 可能同丁爸爸同名, 我地特別鍾意佢, 佢又唔投拒我地喎; 今日送丁丁返學係問口撞到, 仲拖住丁丁一齊返學添! 不過丁丁已經升班, 希望Sunny都快D去大課室啦!
2014年8月24日 星期日
2014-08-24 (Sun) Swimming Class #51
今日有新泳鏡, 又有新mat Froggy玩, 初玩丁丁未識好平衡, 成日擺來擺去, 好好笑, 但又要特登反艇同我玩, 激死; 老師同佢游就會好乖, 蝦我! 老師捉佢多D就岩架啦, 哈哈!
2014年8月23日 星期六
2014年8月22日 星期五
2014-08-22 (Fri) Ice Bucket Challenge 初體驗 by 丁婆婆
丁婆婆竟然自己同丁丁玩Ice Bucket Challenge, 不過丁丁冇係頭頂冧, 等媽媽聽日放假同您玩啦!
2014年8月21日 星期四
2014-08-21 (Thu) 塞珠仔入鼻
丁丁返學時塞左呢粒珠仔入鼻, 嚇到我一額汗又要扮鎮定, 學校即刻車我地去醫院拎返出黎......感恩丁丁無事, 事發到攪掂都影響, 係佢被人禁住做檢查時嚇親先喪喊, 亦係咁先噴返粒珠仔出黎! 佢呢排對D身體既窿都好好奇, 好鍾意探索, 鼻窿, 耳窿.......醫生動手前姑娘報價三四千, 檢查一部機, 做又另一部機, 我心慌慌都聽唔入耳, 總之好多機, 個刻咩都話OK啦......做緊時, 丁丁喪喊中自己噴返出黎, 岩岩未到用最貴部機, 醫生好轟真, 話個二千幾唔收我! 因為冇無險, 丁丁幫媽媽慳返二千大元呢!
2014年8月20日 星期三
2014年8月19日 星期二
2014-08-19 (Tue) iBond第三回
第三回抽iBond, 多謝好友Sa! 明知有錢賺, 好想多D朋友受惠, 但真係好難, 我都完全明白人係有疑心, 所以我都叫好熟同唔會問長問短的朋友..........
2014年8月18日 星期一
2014年8月17日 星期日
2014-08-17 (Sun) Swimming Class #50
休息左個半月, 又上游水堂啦; 雖然冇落水咁耐, 但丁丁照舊狀態大勇, 老師都讚佢呢! 上堂前剛巧WW上完堂, 借了WW的泳鏡試戴, 丁丁肯戴不等止, 仲戴足成堂, 真係要去買返個比佢先得! 上堂其間老師拎左丁丁去做示範, 傻丁真係好聽話, 要郁時郁, 唔郁時乖乖等指令, 真係好似一隻.........狗仔呀, 哈哈
2014年8月16日 星期六
2014-08-16 (Sat) Montessori@home: 丁丁私家小茶壼
近來丁丁在學校鍾意倒水工作, 我就買了個小茶壼比佢係屋企玩, 對新玩意梗鍾意啦! 仲學識撥、擺、倒咁不停重複玩左半個鐘!
2014年8月15日 星期五
2014-08-15 (Fri) Ken Sir 慶生飯@berliner
Ken Sir 慶生飯去左新都會剛新開的berliner; 想嘗啤酒的我在苦惱時, 侍應哥哥拎幾杯比我試飲, 真好呀! 最好都係頂不住酒的那種味, 要了apple cider, 味道似蘋果醋易入口! 丁爸爸八點幾帶丁丁出黎行街, 切蛋糕時join埋, 一齊食蛋糕兼接我返屋企; 丁丁見到蛋糕梗開心, 仲肯坐係Ken Sir度, 一齊吹蠟燭!
2014-08-15 (Fri) Last day with summer interns
今日係公司暑假工們last day, 佢地拎左支自拍神氣返黎, 我都即刻後生一下, 同佢地影相癲下, 順道慶祝Elsa 生日! 其實尋日已開始同佢地影架啦, 咁快就過左一個超忙summer, 公司冇左佢地, 就會靜返落地,會好掛住佢地呢! 佢地仲好有心, 買定冰皮月餅比我地過中秋, 仲寫/畫左張好靚既咭比我地, 感動!
2014年8月14日 星期四
2014-08-14 (Thu) Life@ICS
丁丁今個星期開始升班啦,去左大課室, 工作選擇會多左, 仲有個食物corner, 每堂有一位同學會負責帶雞蛋/麵包/花等返學, 好得意! 而父母陪上堂既位置, 比起小課室後左, 開始逐步分離; 不過似乎我陪丁丁上堂時, 丁丁黐大人既情況反而仲多, 婆婆話佢陪上堂時, 丁丁唔係幾洗要佢陪; 但我返的話, 丁丁係咁要我陪住佢呢, 而佢做完工作時都會好滿足咁對住我拍手/笑等, 想我知道佢好叻咁!
2014年8月13日 星期三
2014年8月10日 星期日
2014-08-10 (Sun) Victor 新居打邊爐 & 玲玲生日切餅
今日上Victor 新居打邊爐, 我地係第一個客人呢! 跟住仲提早同玲玲慶祝生日切蛋糕, 丁丁同玲玲都開始岩玩, 一齊玩到癲晒; 丁丁一向唔怕狗仔, 所以又冇問題; 丁丁同玲玲一齊切蛋糕, 其實丁丁都唔知咩係生日, 邊個生日, 只知有蛋糕食就開心, 亦知個步驟係點蠟燭, 唱歌, 許願, 吹! 哈哈!
2014-08-10 (Sun) Baby O
第二年帶丁丁睇Baby O啦, 因為上年的好睇(詳情), 今年再參加; 作為媽媽的感覺, 上年好睇得多, 三個演員, 有好靚好colourful的裝飾, 有場景, 好多道具, 圍圈坐, 有CD送, 好多互動, 開心的; 今年就得兩個演員, 好簡單似唔想揼本的裝飾, 冇咩場景可言只係得幾個好大的充了氣的氣球, 所有觀眾坐係前面, 好少互動, 間中會有唔開心的表演, 喊到大叫, 攪到有BB嚇親同喊! 至於丁丁, 全程好enjoy, 會企會拍手會笑會意圖越行越前..........下年, 唔知參唔參加呢?
2014年8月9日 星期六
2014年8月8日 星期五
2014年8月7日 星期四
2014-08-07 (Thu) 倒水/整麵包@ICS
放完兩星期暑假, 公司又忙完, 我又可以陪丁丁返學了; 今堂見丁丁好鍾意玩倒水, 令我返去又要買個茶壼比佢先; circle time 今日整麵包搽果醬, 但未食我已估到丁丁情願食純麵包都唔會食搽了果醬的包的, 哈哈!
2014年8月6日 星期三
2014年8月5日 星期二
2014年8月4日 星期一
2014年8月3日 星期日
2014-08-03 (Sun) Dinner@BurgeRoom
離開BB展已八點半, 好在食左蜂巢雪糕同肥媽腸打底; 早幾日聽公司暑假工講BurgeRoom野超好味, 即刻帶老公同姨姨去試, 果然三個都食到lam lam 脷; 不過小丁就冇野岩食, 淨係食包咋, 好在我打定包baby food, 陰功佢呢餐了!
2014年8月2日 星期六
訂閱：
文章 (Atom)