2014-05-22 (Thu) 香港文化博物館 - 宮崎駿手稿展/兒童探知館

今日丁婆婆全日教會旅行, 本身上午我帶丁丁返學, 一於叫埋丁爸爸放下晏, 帶丁丁去香港文化博物館睇宮崎駿手稿展! 點知D手稿都幾悶, 丁丁戇居居咁, 入面又唔影得相, 係出面隻大波兒丁丁見到有點反應; 跟住排左成半個幾鐘影龍貓同波兒, 都有點晒時間, 加上丁爸爸影得好差, 攪到我好唔開心!  好在博物館入面有個好好玩的兒童探知館，丁丁玩到唔願走! 玩完飛行棋又捉象棋，成個場丁丁包晒! 丁丁話：都唔明啲大人係出面排晒隊影相為乜？呢度好玩好多!