2014-02-14 (Fri) 情人節禮品驚喜 。簡單晚飯 。鐵甲威龍

情人節同生日同一星期, 不好意思叫屋企人睇丁丁兩晚, 我地就揀左今晚; 但時間有限, 只係簡單晚飯+睇鐵甲威龍; 最驚喜係返到屋企十點度丁丁已訓左, 希望下個月我地旅行個六晚, 丁婆婆都可以咁易氹到佢訓啦! 

上星期一早買定丁爸爸想要的 G-shock, 尋晚半夜等佢訓著戴上, 佢今朝一起身就超開心啦! 我返到公司就收到佢一盒好普通的朱古力, 但原來打開內有乾坤, 真係同新既冇分別, 勁!