2012-08-31 (Fri) 大肚相道具

聽日影大肚相啦，道具已準備好！除此之外，仲帶埋結婚時一路留起的道具呢，一來唔好"晒"左去，二來兩次相對我地都係一個好值得留念的意義！

 

呢幾款係特別買／搵返黎既，太陽哥哥的idea真好！

2012-08-30 (Thu) Cooking@Home：粟米湯．瑞士汁炆腩肉．炒油麥菜

工人姐姐下星期五到啦，但屋企都未執好，包括佢張床．．．呢兩晚都要太陽哥哥砌左張床去，今晚就煮飯啦;剩左ｄ瑞士汁，太陽哥哥話想試腩肉就整啦，我突然好想飲粟米湯，雖然唔健康，嘻嘻！

粟米湯．瑞士汁炆腩肉．炒油麥菜：

2012-08-29 (Wed) 維記豬潤麵

星期六去影大肚相, 太陽哥哥好落力咁諗idea 同買道具, 今日係屋企等佢放工後, 楂車去深水埗接佢; 跟住一齊首試維記豬潤麵; 我覺得得麻麻咋, 可能我個碗係牛肉掛, 反而架央多好好味!

 

 

2012-08-28 (Tue) Suntory 新出的香蕉果汁

Suntory 新出的香蕉果汁，呀信屋有售，幾好味，拍得住韓國香蕉奶，睇您鍾意果汁feel定奶feel啦!

2012-08-27 (Mon) 媽咪的澳洲手信

媽咪的澳洲手信, 正牌UGG boots, 仲有好好味的三色熊仔餅!

2012-08-27 (Mon) 任美的welcome lunch

任美終於黎啦, 我有返個supervisor, 等左兩個半月, 終於有人傍住兼分擔啦! 老闆請大家去左新城市梅林食welcome lunch!

 

2012-08-26 (Sun) Cooking@Home：冬菇蓮藕雞腳豬骨湯．秘製瑞士雞翼．椒絲腐乳唐生菜．炒西生菜

今日全日係屋企，可以煲返個靚湯，首煮呀蘇教整的秘製瑞士雞翼，早排係鵝頸橋買的醬汁，可以大派用場啦！太陽哥哥陪我食灼菜好耐啦，今晚特登整個椒絲腐乳唐生菜比佢，我自己就食炒西生菜！

2012-08-25 (Sat) 敏昊&紅姐慶生飯@稻香

今晚係敏昊&太陽哥舊同事紅姐慶生飯, 去左荃灣稻香; 不過Kim一家遲到, 最後黎唔到.....好在後尾我地食完再去荃灣廣場搵佢地, 咁就可以帶敏昊去吉之島揀生日禮物, 仲去M記食雪糕消夜添!

切蛋糕時間~~ 特登為敏昊買了angry birds 蛋糕, 可惜佢黎唔到切啦!

宇程好鍾意baby, 係咪又摸又錫又攬我個肚, 佢仲話到時要黎醫院探我, 又叫我教bb唔洗打架, 大個d曳先要打喎, 好攪笑!

敏昊真係好鍾意太陽哥哥!

2012-08-24 (Fri) 甜品工具．低俗喜劇

太陽哥哥團購左個發蛋器同電子磅比我，九月中有得攞啦；今日覆完診經過油蔴地，去陳枝記& I LOVE CAKE買ｄ甜品工具先；不過到時工人姐姐都黎左，會好忙，小丁丁都差唔多出世，未必有時間整，但都買左先啦！

跟住係電影中心用免費飛睇呢期好評既低俗喜劇！

 

2012-08-23 (Thu) Cooking@Home：光波叉燒

尋日食剩了瑤柱肉碎炒茄子, 今晚首試光波叉燒, 咁就可以又一餐!

第一次試整驚失敗, 買了急凍叉燒; 好成功呀, 老公好快清晒, 下次可買舊新鮮豬肉整!

2012-08-22 (Wed) Cooking@Home：光波蒸魚．瑤柱肉碎炒茄子

人地話光波蒸魚都得，一直都幾猶豫，覺得條魚咪會好乾身囉？太陽哥哥勒令宜家煮野要輕手為原則，簡簡單單就唔可以兩味餸都用鑊，就一心試下光波蒸魚啦，加多味瑤柱肉碎炒茄子！

光波蒸魚感覺：塊皮會略乾，不過我一向最怕魚皮，乾左我撇開仲容易，對我冇影響！至於肉質方便，又OK喎，都滑！不過要比用鑊蒸起碼用多一至兩倍時間，即係呢條魚可能用鑊蒸5-7分鐘，但用光波爐就要15-20分鐘！有點反傳統係，最後幾分鐘加油+豉油去光，但傳統係蒸好先再贊油+落豉油架麻，咁樣變左豉油係魚身上同盤上都會乾左ｄ，就好似魚頭上的變了棕色的地方，其實係乾左的豉油！