上星期四做妊娠糖尿測試, 正常七個月大先做, 但因為媽咪同婆婆都有糖尿病, 所以醫生建議我早做一次; 經過上次係QM抽下血驗收左我一千大元, 今次我醒目啦, 問醫生返中大clinic做拎返報告比佢得唔得, 咁就免費啦! 姑娘幾好, 將糖水溝暖水, 溝埋變左做三杯餐廳水杯容量既糖水我飲, 聽朋友講醫院個d 好杰好難飲, 好似飲糖漿一樣, 我就冇糖漿咁杰, 係難飲但都入得口既, 唔知係咪呢度溝多水d 呢! 飲前後相隔兩個鐘, 各抽一次血, 個窿仲好係接近呢!
今日有報告拎, 血糖有點踩界, 尿入面都有糖份....醫生話呢個stage冇問題, 但可能我有糖尿傾向, 叫我食少d 甜既先, 其實我都冇咩食甜野架!
沒有留言:
張貼留言